ରାଜ୍ୟର ବିଭିନ୍ନ ସ୍ଥାନରେ ଭାରତ ବନ୍ଦର ପ୍ରଭାବ

ଭୁବନେଶ୍ୱର : ରାଜ୍ୟର ବିଭିନ୍ନ ସ୍ଥାନରେ ଭାରତ ବନ୍ଦର ପ୍ରଭାବ ମଙ୍ଗଳବାର ଦେଖାଯାଇଛି।
ରାଉରକେଲା , କୃଷକ ସଂଗଠନ ପକ୍ଷରୁ ଭାରତ ବନ୍ଦ ଡାକରାକୁ ସମର୍ଥନ କରି ରାଉରକେଲାରେ ବିଭିନ୍ନ ରାଜନୈତିକ ଦଳ ଓ ଶ୍ରମିକ ସଂଗଠନ ଆନ୍ଦୋଳନକୁ ଓହ୍ଲାଇଛି। କଂଗ୍ରେସ ଦଳ., ଗାଙ୍ଗପୁର ମଜ଼ଦୂର ମଞ୍ଚ., ସିଆଇଟିୟୁ., ରାଷ୍ଟ୍ରୀୟ ମଜ଼ଦୁର କଂଗ୍ରେସ ଆଦି ସଂଗଠନ ପକ୍ଷରୁ ବିଶ୍ରା ଛକ, ପାନପୋଷ ଛକରେ ରାସ୍ତା ଅବରୋଧ ଓ ପିକେଟିଂ କରାଯାଇଛି। ପରିବହନ ଠାରୁ ବିଭିନ୍ନ ବ୍ୟବସ୍ଥା ପ୍ରଭାବିତ ହୋଇଛି।
ବରଗଡ଼ , ବରଗଡ଼ରେ କେନ୍ଦ୍ର ସରକାରଙ୍କ କୃଷି ଆଇନ ବିରୋଧରେ ଦେଶବ୍ୟାପି କୃଷକ ଆନ୍ଦୋଳନ ଓ ଭାରତ ବନ୍ଦ କୁ ସମର୍ଥନ ଜଣାଇ ଆଜି ଭୋରରୁ ବରଗଡ଼ ରାଜରାସ୍ତାରେ ନିଆଁ ଜଳାଇ ବରଗଡ଼ର ବିଭିନ୍ନ ସଙ୍ଗଠନ ପକ୍ଷରୁ ଆନ୍ଦୋଳନ କରାଯାଇଥିଲା।
ପୁରୀ ,ପୁରୀ ଜିଲା ଅନ୍ତର୍ଗତ ପିପିଲିର ସାତଶଙ୍ଖ ଠାରେ କଂଗ୍ରେସ ପକ୍ଷରୁ ଆନ୍ଦୋଳନକାରୀମାନେ ଟାୟାର ଜାଳି ଜାତୀୟ ରାଜପଥ ଅବରୋଧ କରିଥିଲେ।

ବାଲେଶ୍ବର, ବାଲେଶ୍ବର ଜିଲାର ବିଭିନ୍ନ ସ୍ଥାନରେ ବନ୍ଦ ପାଳନ ହୋଇଛି।
ମୟୁରଭଞ୍ଜ, ମୟୁରଭଞ୍ଜ ଜିଲା ସଦର ମହକୁମା ବାରିପଦା ଠାରେ ବିଭିନ୍ନ ସ୍ଥାନରେ ବନ୍ଦ ପାଳନ ହୋଇଛି।

ଝାରସୁଗୁଡା , ଝାରସୁଗୁଡା ଜିଲା ପ୍ରସନ୍ନା ପଣ୍ଡା ଛକରେ ମିଳିତ ସଙ୍ଗଠନ ପକ୍ଷରୁ ଭାରତ ବନ୍ଦ ପାଳନ କରାଯାଇଛି।

ନବରଙ୍ଗପୁର , ନବରଙ୍ଗପୁରର ବିଭିନ୍ନ ସ୍ଥାନରେ ମଧ୍ୟ ଭାରତ ବନ୍ଦର ପ୍ରଭାବ ଦେଖିବାକୁ ମିଳିଛି।

କେନ୍ଦୁଝର , କେନ୍ଦୁଝରର ଗାନ୍ଧୀଛକରେ ନବ ନିର୍ମାଣ କୃଷକ ସଙ୍ଗଠନ ପକ୍ଷରୁ ଭାରତ ବନ୍ଦ ପାଳନ କରାଯାଇଛି।

 

Comments
Loading...