ବାଚସ୍ପତିଙ୍କ ଅଡିଓ ଭାଇରାଲ ଘଟଣାର ତଦନ୍ତ ଦାବି

ବ୍ରହ୍ମପୁର: ବାଚସ୍ପତି ସୂର୍ୟ୍ୟ ନାରାୟଣ ପାତ୍ରଙ୍କ ବାର୍ତ୍ତାଳପର ଅଡିଓ ଭାଇରାଲ ଘଟଣାର ତଦନ୍ତ ଦାବି ହୋଇଛି । କାର୍ତିକ ସେଠି ନାମକ ଜଣେ ବ୍ୟକ୍ତି ଆଜି ବ୍ରହ୍ମପୁର ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟକୁ ଯାଇ ଲିଖିତ ଅଭିଯୋଗ କରିଛନ୍ତି । ବାଚସ୍ପତିଙ୍କ ଭଳି ଜଣେ ସାମ୍ବିଧାନିକ ବ୍ୟକ୍ତିଙ୍କ ବାର୍ତ୍ତାଳପ ରେକର୍ଡିଙ୍ଗ କରି ଭାଇରାଲ  କରିବା ଆଇନ ବିରୁଦ୍ଧ ବୋଲି ଅଭିଯୋଗରେ କୁହାଯାଇଛି । ତେଣୁ କିଭଳି ଏବଂ କିଏ ବାଚସ୍ପତିଙ୍କ ଅଡିଓ ରେକର୍ଡ ଭାଇରାଲ କଲା ତାହାର ତଦନ୍ତ କରି ଦୃଢ଼ କାର୍ୟ୍ୟାନୁଷ୍ଟାନ ଗ୍ରହଣ କରିବାକୁ ଦାବି କରାଯାଇଛି । ସୂଚନାଯୋଗ୍ୟ, କିଛି ଦିନ ତଳେ ବାଚସ୍ପତି ଓ କୁକୁଡ଼ଖଣ୍ଡିର ଜଣେ ଆଗଧାଡ଼ିର ବ୍ୟକ୍ତିଙ୍କ ମଧ୍ୟରେ ହୋଇଥିବା କଥାବାର୍ତ୍ତା ଭାଇରାଲ ହୋଇଥିଲା । ସେଥିରେ ବାଚସ୍ପତି କୁକୁଡ଼ଖଣ୍ଡି ତହସିଲଦାର, ବିଡ଼ିଓଙ୍କ ବଦଳି ନେଇ ଓ ପାଠକ ମାମଲାରେ ମଧ୍ୟ ଆଲୋଚନା କରୁଥିଲେ ।

Comments
Loading...