ଖାଇବାକୁ ସ୍ୱାଦିଷ୍ଟ ହେବାସହ କୋଷ୍ଠକାଠିନ୍ୟ ଦୂର ଠାରୁ ହାଡ଼ ମଜଭୂତ ପାଇଁ ରାମବାଣ : କିସ୍‍ମିସ୍‍

କିସ୍‍ମିସ୍‍ ଖାଇବାକୁ ଯେପରି ସ୍ୱାଦିଷ୍ଟ, ଅନ୍ୟ ଡ଼୍ରାଏ ଫ୍ରୁଡ୍ସ ତୁଳନାରେ ଶସ୍ତା ମଧ୍ୟ। ଏହାକୁ ସାଧାରଣତଃ ମିଠା ଖାଦ୍ୟଦ୍ରବ୍ୟ ପ୍ରସ୍ତୁତିରେ ବ୍ୟବହାର କରାଯାଏ। କିସ୍‍ମିସ୍‍ର ଖଟାମିଠା ସ୍ୱାଦ ଖାଦ୍ୟର ସ୍ୱାଦକୁ ଦୁଇ ଗୁଣିତ କରି ଦେଇଥାଏ। ଏହାକୁ ନିୟମିତ ଖାଇବା ଦ୍ୱାରା ସ୍ୱାସ୍ଥ୍ୟ ପାଇଁ କି କି ଉପକାର ମିଳେ ତାହା ହୁଏତ ସଭିଏଁ ଜାଣିନଥିବେ। ଜାଣନ୍ତୁ ଏହା ବିଷୟରେ ….
ଶରୀରକୁ ଶକ୍ତି ଯୋଗାଏ –
ନିୟମିତ କିସ୍‍ମିସ୍‍ ଖାଇବା ଦ୍ୱାରା ଶରୀରକୁ ଆବଶ୍ୟକ ପରିମାଣରେ ଶକ୍ତି ମିଳିଥାଏ। ଏଥିରେ ପ୍ରାକୃତିକ ଉପାୟରେ ମିଠାଥାଏ। ଯାହା ସହଜରେ ହଜମ ହୋଇଥାଏ। ଫଳରେ ଶରୀରକୁ ତୁରନ୍ତ ଶକ୍ତି ମିଳିଥାଏ। ଏଥିରେ କୋଲେଷ୍ଟେରୋଲର ନଥାଏ। ତେଣୁ ହୃଦୟ ଜନିତ ସମସ୍ୟା ଥିବା ବ୍ୟକ୍ତିମାନେ ମଧ୍ୟ ଏହାକୁ ଖାଇବା ଲାଭଦାୟକ।
କୋଷ୍ଠକାଠିନ୍ୟ ସମସ୍ୟା ଦୂର କରେ –
ଯଦି ଆପଣଙ୍କର କୋଷ୍ଠକାଠିନ୍ୟ ସମସ୍ୟା ରହିଛି, ତେବେ ଆପଣଙ୍କ ପାଇଁ କିସ୍‍ମିସ୍‍ କୌଣସି ମହୌଷଧି ଠାରୁ କମ ନୁହେଁ। କିସମିସକୁ ଭିଜାଇ ଖାଇବା ଦ୍ୱାରା କୋଷ୍ଠକାଠିନ୍ୟ ସମସ୍ୟା ଦୂର ହୋଇଥାଏ।
ଓଜନ ହ୍ରାସ କରେ –
ଯଦି ଆପଣଙ୍କ ପାଇଁ ମୋଟାପଣ ଏକ ସମସ୍ୟା ପାଲଟିଛି ତେବେ କିସ୍‍ମିସ୍‍ ଖୁବ ଲାଭକାରୀ।  କିସ୍‍ମିସ୍‍  ରେ ଥିବା ପ୍ରାକୃତିକ ମିଠା ଅଂଶ ଶରୀରର କୌଣସି କ୍ଷତି କରିନଥାଏ। ଏହାକୁ ନିୟମିତ ଖାଇଲେ ଓଜନ ହ୍ରାସ ହୋଇଥାଏ।
ହାଡ଼ ମଜଭୂତ କରେ –
ଏଥିରେ ଭରପୁର ମାତ୍ରାରେ କ୍ୟାଲସିୟମ ରହିଛି। ତେଣୁ ନିୟମିତ କିସ୍‍ମିସ୍‍ ସେବନ କରିବା ଦ୍ୱାରା ହାଡ଼ ମଜଭୂତ ହୋଇଥାଏ।

Comments
Loading...