MEllora 950×100

ପଟ୍ଟଚିତ୍ର ଏବଂ ମୁଖା ଶିଳ୍ପୀଙ୍କ ପରଲୋକ

ବେଗୁନିଆ: ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ଅନ୍ତର୍ଗତ କରଡ଼ଗାଡ଼ିଆ ଗ୍ରାମର ବରିଷ୍ଠ ପଟ୍ଟଚିତ୍ର ଏବଂ ମୁଖାଶିଳ୍ପୀ ଭରତ ମହାପାତ୍ର (୯୧)ଙ୍କର ବାର୍ଦ୍ଧକ୍ୟ ଜନିତ ଅସୁସ୍ଥତା ଯୋଗୁ ଆଜି ତାଙ୍କ ବାସଭବନରେ ମୃତ୍ୟୁ ହୋଇଯାଇଛି। ସେ ପାରମ୍ପରିକ କାଠମୁଖା, କାଗଜ ମୁଖା, ପଟ୍ଟଚିତ୍ର ଓ କାଠ ମୂର୍ତ୍ତି ଶିଳ୍ପର ଜଣେ ପ୍ରସିଦ୍ଧ କଳାକାର ଥିଲେ। ତାଙ୍କ କଳାକୃତି ଗୁଡିକ ରାଜ୍ୟ ତଥା ରାଜ୍ୟ ବାହାରେ ଆଦୃତ ଓ ପ୍ରଶଂସିତ ହୋଇଥିଲା। ନିଜ ଗ୍ରାମକୁ ଏକ ଶିଳ୍ପୀ ଗ୍ରାମ ଭାବରେ ପରିଚିତ କରିବା ଦିଗରେ ସେ ସଫଳ ହୋଇଥିଲେ। ତାଙ୍କ ମୃତ୍ୟୁ ଶଯ୍ୟା ନିକଟରେ ଦୁଇ ପୁଅ ଓ ପୁତ୍ରବଧୁ ଉପସ୍ଥିତ ଥିଲେ। ତାଙ୍କ ବିୟୋଗରେ କାଗଜ ମୁଖା ଶିଳ୍ପରେ ଏକ ଶୂନ୍ୟସ୍ଥାନ ସୃଷ୍ଟି ହୋଇଥିବା ବେଳେ ଅନ୍ୟ କେହି ତାକୁ ପୁରଣ କରିପାରିବେ ନାହିଁ ବୋଲି ଗ୍ରାମବାସୀ ମାନେ ମତ ପ୍ରକାଶ କରିଛନ୍ତି। ଆଞ୍ଚଳିକ ଶିଳ୍ପଦ୍ୟୋଗୀ ସଂଘ ତଥା ତାଙ୍କ ଶିଷ୍ୟମାନଙ୍କ ତରଫରୁ ତାଙ୍କ ମୃତ୍ୟୁରେ ଗଭୀର ଶୋକ ପ୍ରକାଶ ପାଇଥିବା ବେଳେ ପରିବାର ସଦସ୍ୟଙ୍କୁ ସମବେଦନା ଜଣାଇଛନ୍ତି।

Comments are closed.