ବେଗୁନିଆ ବ୍ଲକରେ ଗଡ଼ିଲା କୃଷି ରଥ

ବେଗୁନିଆ : ରାଜ୍ୟ ସରକାର କୃଷି ଓ କୃଷକ ମାନଙ୍କ ପାଇଁ ପ୍ରଣୟନ କରୁଥିବା ବିଭିନ୍ନ ଯୋଜନା ଯଥା ,କାଳିଆ ,ବଳରାମ ,ଧାଡ଼ିରୁଆ, ତୈଳବୀଜ ଚାଷ, ଯନ୍ତ୍ରପାତି ,ରୋଗପୋକ ସର୍ବେକ୍ଷଣ ,ମାଟି ପରୀକ୍ଷା ଏବଂ ବିହନ ବିଶୋଧନ ଆଦି କାର୍ୟ୍ୟ ସମ୍ପର୍କରେ ଚାଷୀମାନଙ୍କୁ ସଚେତନ କରିବା ପାଇଁ ଆଜିଠାରୁ ବେଗୁନିଆ ବ୍ଲକ ଭାରପ୍ରାପ୍ତ କୃଷି ଅଧିକାରୀ ସୀତାରତ୍ନମାଳା ଦାସଙ୍କ ପ୍ରତେକ୍ଷ ତତ୍ୱ।ବଧାନରେ ଏବଂ ଜିଲ୍ଲା କୃଷି ଅଧିକାରୀ ନାରାୟଣ ସେଠୀଙ୍କ ଆନୁକୂଲ୍ୟରେ କୃଷି କାର୍ୟ୍ୟାଳୟ ଠାରୁ କୃଷିରଥ ପରିଭ୍ରମଣ ଆରମ୍ଭ ହୋଇଛି ।ଏହି ରଥରେ ଭୁବନେଶ୍ୱର ବରମୁଣ୍ଡାସ୍ଥିତ ପୋପେଟ ସଂସ୍ଥାରୁ ଆସିଥିବା କଳାକାର ସଂପୂର୍ଣା ମହାରଣା(ନେହା)ଙ୍କ ନେତୃତ୍ୱରେ କଳାକାରମାନେ ନୃତ୍ୟ ଗୀତ ମାଧ୍ୟମରେ ଚାଷୀମାନଙ୍କୁ ସରକାରଙ୍କ ଯୋଜନା ସମ୍ପର୍କରେ ଅବଗତ କରାଇବା ସହିତ କୃଷିର ପ୍ରଚାର ଏବଂ ପ୍ରସାର କରୁଛନ୍ତି ।ଏହି ରଥ କୃଷି କାର୍ୟ୍ୟାଳୟ ଠାରେ ପଂହଁଚିବା ପରେ ଆତ୍ମାର ଅଧ୍ୟକ୍ଷ ଶ୍ରୀନିବାସ ପାଇକରାୟ, ଭାରପ୍ରାପ୍ତ ବ୍ଲକ କୃଷି ଅଧିକାରୀ ସୀତାରତ୍ନମାଳା ଦାସ ,ୟୁକୋ ବ୍ୟାଙ୍କ ଶାଖା ପରିଚାଳକ ସତ୍ୟଶିଲାଦିତ୍ୟ କର ,ଏ ଭି ଏସ ବିଶ୍ୱରଞ୍ଜନ ରାଉତ ,ବି ଟି ଏମ୍ ପିଙ୍କିକୁମାରି ପ୍ରଧାନ, ଓଭରସିୟର ଶ୍ୟାମସୁନ୍ଦର ବେହେରା ଙ୍କ ସମେତ ସମସ୍ତ ଏ ଟି ଏମ୍ ଏବଂ ଭି ଏ ଡ଼ବ୍ଲୁ ଉପସ୍ଥିତ ରହି କାର୍ୟ୍ୟକ୍ରମର ଶୁଭାରମ୍ଭ କରିଥିଲେ । ଏହି ରଥ ବ୍ଲକର୨୧ ଟି ପଞ୍ଚାୟତ ପରିକ୍ରମା କରି ଚାଷୀମାନଙ୍କୁ ବିଭିନ୍ନ ଯୋଜନା ସମ୍ପର୍କରେ ସଚେତନ କରିବ।

Comments
Loading...