୨ ଅଜଗର ଉଦ୍ଧାର, ଜଣେ ଅଟକ

ବାଙ୍କୀ: ବାଙ୍କୀ ଅଞ୍ଚଳରେ ଦୀର୍ଘଦିନ ହେବ ଯାଜପୁର ଅଞ୍ଚଳରୁ ସାପ ଧରାଳି ମାନେ ଆସି ସାପଧରି ବୁଲୁଥିବାର ଅଭିଯୋଗ ବନବିଭାଗ ନିକଟରେ ପହଞ୍ଚିଛି। ସୋମବାର ଦିନ ସକାଳେ ଖୋର୍ଦ୍ଧା ବନାଞ୍ଚଳ ଅଧିନ ଶିଶୁଆ ଫରେଷ୍ଟ କାର୍ଯ୍ୟାଳୟର ବନପାଳ ଏକ ବିଶେଷ ସୂତ୍ରରୁ ଖବର ପାଇ ଡମପଡା ବ୍ଲକ ଅଧିନ ଚକୁଳେଶ୍ୱର ଗ୍ରାମ ସ୍ଥିତ ଗ୍ରାମ୍ୟ ଜଙ୍ଗଲ ନିକଟରୁ ୭୫ବର୍ଷ ବୟସର ଜଣେ ସାପଧରାଳିକୁ ଅଟକ ରଖିଛନ୍ତି। ପାଖରେ ଥିବା ଏକ ଝୁଲା ବ୍ୟାଗରେ ୬ଫୁଟ ଲମ୍ବର ଗୋଟିଏ ଅଜଗର ସାପ ଥିଲା। ଯାହାକି ଏକ ବିରଳ ସାପ। ସାପ ଧରାଳିର ନାମ ବାଲା ପ୍ରଧାନ,ଘର ଯାଜପୁର ଜିଲ୍ଲା କଳିଙ୍ଗନଗର ଅଞ୍ଚଳର ବୋଲି ସୂଚନା ମିଳିଛି। ସାପ ସହ ସମ୍ପୃକ୍ତ ବୃଦ୍ଧକୁ ଅଟକ ରଖାଯିବା ସହ ନିକଟସ୍ଥ ପ୍ରାଣୀ ଚିକିତ୍ସାକେନ୍ଦ୍ରରେ ସାପଟିର ସ୍ୱାସ୍ଥ୍ୟ ପରୀକ୍ଷା କରାଯାଇ ସାପଟି ସୁସ୍ଥ ଥିବା ଜଣାପଡ଼ିଛି। ସୂଚନା ଯୋଗ୍ୟ ଯେ ଚଳିତ ମାସ ୬ତାରିଖରେ ବାଙ୍କୀ ଏନ.ଏ.ସି ଅନ୍ତର୍ଗତ ସାହାଡାପଦା ଗ୍ରାମ ନିକଟରୁ ଯାଜପୁର ଅଞ୍ଚଳର ଜଗନ୍ନାଥ ପ୍ରଧାନ ନାମକ ଜଣେ ଯୁବକକୁ ବେଆଇନ ଭାବରେ ଅଜଗର ସାପଟିଏ କାନ୍ଧରେ ପକାଇ ବୁଲୁଥିବାରୁ ଗିରଫ କରାଯାଇ କୋର୍ଟ ଚାଲାଣ କରାଯାଇଥିଲା। ଚକୁଳେଶ୍ୱବ ଠାରୁ ଫରେଷ୍ଟର ପ୍ରିୟଦର୍ଶିନୀ ସେଠୀ,ବନରକ୍ଷୀ ମୋହନ ଦେହୁରୀ,ସ୍କ୍ୱାଡ ଅନିଲ କୁମାର ପ୍ରଧାନ,ଧର୍ମେନ୍ଦ୍ର ପ୍ରଧାନ,ଗୌରାଙ୍ଗ ନାୟକ ଓ କୁନା ସେଠ ପ୍ରମୁଖ ଉପସ୍ଥିତ ରହି।ପ ଧରାଳି ସହ ସାପକୁ ବନପାଳ କାର୍ଯ୍ୟାଳୟକୁ ଆଣିଥିଲେ। ସେହିପରି ସୋମବାର ସକାଳେ ମଧ୍ୟ ଡମପଡା ବନାଞ୍ଚଳ ଅନ୍ତର୍ଗତ କୃଶଶପଙ୍ଗି ଗ୍ରାମଠାରେ ୫ଫୁଟ ଲମ୍ବର ଏକ ଅଜଗର ସାପ ଜଣେ ଅପରିଚିତ ଲୋକ ଚାସ୍ତାପାର୍ଶ୍ବରେ ଛାଡିଦେଇ ଚାଲିଯାଇଥିବାର ସୂଚନା ପାଇ ଡମପଡା ବନାଞ୍ଚଳ କାର୍ଯ୍ୟାଳୟର ଫରେଷ୍ଟର ରାକେଶ ସ୍ୱାଇଁ ଓ କର୍ମଚାରୀ କୁଶପଙ୍ଗି ଗ୍ରାମରେ ପହଞ୍ଚି ସାମପଟିକୁ ଉଦ୍ଧାର କରିବା ସସହ ଅଭୟାରଣ୍ୟରେ କାଢିଛନ୍ତି।

Comments
Loading...