ବଳଙ୍ଗା : କରୋନା ସତର୍କତା ଦୃଷ୍ଟିରୁ ପୁଲିସ ଲକ ଡାଉନକୁ କଡାକଡି କରିଛି। ସରକାରୀ ବିଦେଶୀ ଓ ଦେଶୀ ମଦ ଦୋକାନ ବନ୍ଦ ରହିଛି। ପୁଲିସ ଭୟରେ ବଳଙ୍ଗା ବଜାର ଓ ହାଟରେ ଗହଳି କମି ଯାଇଥିବାବେଳେ ସନ୍ଧ୍ୟାରେ ଗ୍ରାମାଞ୍ଚଳ ଛକ, ବିଦ୍ୟାଳୟ ବାରଣ୍ଡା, ରାସ୍ତା ପାର୍ଶ୍ବ ବ୍ରିଜ କାନ୍ଥ, ପ୍ରଭୃତି ସ୍ଥାନରେ ଜମିଜାଉଛି ମଦ୍ୟପ ମାନଙ୍କର ଆସର। ଦେଖିଲେ ମନେହୁଏ ଲକଡାଉନକୁ ରାତ୍ରରେ ମାନିବା ବାଧ୍ୟ ବାଧକତା ନାହିଁ। ପ୍ରତ୍ୟେକ ମଦ ନିର୍ଧାରିତ ମୁଲ୍ୟ ଠାରୁ ଏକଶହରୁ ଚାରିଶହ ଟଙ୍କା ପର୍ଯ୍ୟନ୍ତ ଅଧିକ ମୁଲ୍ୟରେ ବିକ୍ରି ହେଉଥିବା ଜଣାପଡିଛି। ଗ୍ରାହାକ ମାନେ ଟଙ୍କାକୁ ଖାତର ନ କରି ମଦପାଇଁ ବିଭିନ୍ନ ସ୍ଥାନକୁ ଗୋଟିଏ ବାଇକରେ ଦୁଇ ରୁ ତିନି ଜଣ ବସି ବିଳମ୍ବିତ ରାତ୍ର ପର୍ଯ୍ୟନ୍ତ ବୁଲୁଥିବା ଦେଖାଯାଉଛି। ଲକ ଡାଉନ ମଦଦୋକାନ ବନ୍ଦ ଥିଲା ବେଳେ ଏତେ ପରିମାଣର ମଦ କିପରି ଓ କେଉଁଠାରୁ ଆସୁଛି ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି। ମଦ୍ୟପ ଓ ବାଇକ୍ ଚଳାଚଳ ଯୋଗୁଁ ଗ୍ରାମବାସୀ ମାନେ ଅସୋନ୍ତଷ ବ୍ୟକ୍ତ କରୁଛନ୍ତି। ବଳଙ୍ଗା ଥାନା ଅଧୀନସ୍ଥ ୧୭ ଟି ପଞ୍ଚାୟତର ପ୍ରାୟ ୩୦ଟି ସ୍ଥାନରେ ଚୋରା ମଦ ବିକ୍ରି ହେଉଥିବା ଅନୁସନ୍ଧାନରୁ ଜଣାପଡିଛି। ସୁଯୋଗକୁ ହାତଛଡା ନକରି ଅନେକ ବ୍ୟକ୍ତି ଏହି ବ୍ୟବସାୟରେ ଲିପ୍ତ ହୋଇଛନ୍ତି। ଅବକାରୀ ତଥା ପୁଲିସ ଲୋକଦେଖାଣିଆ ଚଢ଼ାଉ କରି ନିଜର କର୍ତ୍ତବ୍ୟ ଦାଇତ୍ୱ ଶେଷ କରୁଥିବା ପରି ମନେ ହେଉଛି। ପୁରୀ ଜିଲାପାଳ ଚଢ଼ାଉକୁ ଜୋରଦାର କରିବା ସହିତ ଦୃଢ଼ ପଦକ୍ଷେପ ଗ୍ରହଣ ନିମନ୍ତେ ଥାନା ଅଧିନସ୍ଥ ଅନେକ ଗ୍ରାମବାସୀ ଦାବି କରିଛନ୍ତି।
Comments are closed.