MEllora 950×100

ଉତ୍ତରପ୍ରଦେଶ ମୃତ କୃଷକଙ୍କ ପାଇଁ ଦୀପଦାନ

ଆଠଗଡ: ସଂପ୍ରତି ଉତ୍ତରପ୍ରଦେଶର ଲକ୍ଷ୍ମୀପୁର ଖେରୀଠାରେ କେନ୍ଦ୍ରମନ୍ତ୍ରୀଙ୍କ କାର୍କେଟ ଗାଡି ଧକ୍କାରେ ମୃତ୍ୟୁବରଣ କରିଥିବା କୃଷକଙ୍କ ଆତ୍ମାର ଶାନ୍ତି ପାଇଁ ଆଠଗଡ ସଚେତନ ନାଗରିକ ମଞ୍ଚ ପକ୍ଷରୁ ଦୀପଦାନ କରାଯାଇଛି। ସେଠାରେ କେବଳ କୃଷକ ନୁହେଁ ଉପସ୍ଥିତ ଥିବା ସାମ୍ବାଦିକ ଏବଂ କିଛି ସାଧାରଣ ନାଗରିକ ଗାଡି ଧକ୍କା ଏବଂ ହିଂସକାଣ୍ଡ ଘଟଣାରେ ମୃତ ୮ଜଣଙ୍କ ଆତ୍ମାର ସଦଗତି କାମନା କରି ଆରାଧ୍ୟା ଦେବୀ ମା ବାଉତୀଙ୍କ ମନ୍ଦିର ଠାରୁ ଏକ ମହମବତୀ ଶୋଭାଯାତ୍ରା ସହର ପରିକ୍ରମା କରିଥିଲା। ଏଥିରେ ସଚେତନ ନାଗରିକ ମଞ୍ଚର ସଭ୍ୟ ଶିବନାରାୟଣ ପଟ୍ଟନାୟକ ସଦାନନ୍ଦ ମହାନ୍ତି, ସତ୍ୟପ୍ରକାଶ ରଥ, ମନୋରଞ୍ଜନ ମିଶ୍ର, ମହମ୍ମଦ ଆକବର, ସତ୍ୟଜିତ୍‍ ଦାଶ ଓ ସୁବତ୍ର କୁମାର ଭକ୍ତା ନେତୃତ୍ୱ ନେଇ ଘଟଣାକୁ ତୀବ୍ର ନିନ୍ଦା କରିବା ସହ ଏଥିରେ ସଂପୃକ୍ତ ଅଭିଯୁକ୍ତଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଥିଲେ।

Comments are closed.