MEllora 950×100

ବିକାଶ ମଞ୍ଚ ପକ୍ଷରୁ ରେଡିୟମଯୁକ୍ତ ଶୀତବସ୍ତ୍ର ବଣ୍ଟନ

ଆଠଗଡ: ଆଠଗଡ ଅଞ୍ଚଳର ଅନ୍ୟତମ ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ଆଠଗଡ ବିକାଶମଞ୍ଚ ପକ୍ଷରୁ ସୋମବାର ସହରର ବଡପୋଖରୀ ନିକଟବର୍ତ୍ତୀ ଦଳିତ ସାହିର ସଫେଇ କର୍ମଚାରୀଙ୍କୁ ରେଡିୟମଯୁକ୍ତ ଶୀତବସ୍ତ୍ର ବଣ୍ଟନ କରାଯାଇଛି । ବିକାଶ ମଞ୍ଚର ପ୍ରତିଷ୍ଠାତା ସଭାପତି ତଥା ସମାଜସେବୀ ମାନସ ରଞ୍ଜନ ବସ୍ତିଆ ୨୦ଜଣ ସଫେଇ କର୍ମଚାରୀଙ୍କୁ ଏହି ଶୀତବସ୍ତ୍ର ବଣ୍ଟନ କରିବା ସହ ଏହା ସେମାନଙ୍କ ପାଇଁ ରାତ୍ରି ସମୟରେ କାର୍ଯ୍ୟ କଲାବେଳେ ସେମାନଙ୍କ ସୁରକ୍ଷା ପାଇଁ ସାହାଯ୍ୟ କରିବ ବୋଲି ମତବ୍ୟକ୍ତ କରିଥିଲେ । ବିକାଶ ମଞ୍ଚର ଏହି ମହନୀୟ କାର୍ଯ୍ୟ ପାଇଁ ସଫେଇ କର୍ମଚାରୀମାନେ ଅନୁଷ୍ଠାନ ଓ ସଭାପତି ଶ୍ରୀ ବସ୍ତିଆଙ୍କୁ କୃତଜ୍ଞତା ଜଣାଇଥିଲେ ।

Comments are closed.