ଫିଲାଡେଲ୍ଫିଆ: ଆମେରିକା ଫିଲାଡେଲ୍ଫିଆ ସହରର କେନ୍ସିଙ୍ଗଟନ୍ ଏବଂ ଆଲେଗେନି ଅଞ୍ଚଳରେ ଅବସ୍ଥିତ ଏକ ବାରରେ କିଛି ଦୁର୍ବୃତ୍ତ ଆଖିବୁଜା ଗୁଳି ଚାଳନା କରିଛନ୍ତି। ଏଥିରେ ୧୨ ଜଣ ଗୁରୁତର ଆହତ ହୋଇଛନ୍ତି। ସମସ୍ତ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ଆମେରିକା ପୁଲିସ ଏପର୍ଯ୍ୟନ୍ତ ଘଟଣାର ସବିଶେଷ ତଥ୍ୟ ଦେଇନାହିଁ।
ସୂଚନାଯୋଗ୍ୟ, ଆମେରିକାରେ ଅଧିକାଂଶ ଦିନ ଗୁଳି ବିନିମୟ ଖବର ସାମ୍ନାକୁ ଆସିଛି। ଗତ ଅକ୍ଟୋବର ୧୩ ତାରିଖରେ ଦକ୍ଷିଣ ଆମେରିକାର ଉତ୍ତର କାରୋଲିନାରୁ ମଧ୍ୟ ସମାନ ଖବର ସାମ୍ନାକୁ ଆସିଥିଲା। ସୂଚନାନୁସାରେ, ଅପରାହ୍ନ ୫ଟା ପରେ ଏଠାରେ ଏକ ଆବାସିକ ଅଞ୍ଚଳରେ ଗୁଳି ଚାଳନା ହୋଇଥିଲା, ଯେଉଁଥିରେ ଜଣେ ଡ୍ୟୁଟିରେ ନଥିବା ଜଣେ ପୁଲିସ କର୍ମଚାରୀଙ୍କ ସମେତ ପାଞ୍ଚ ଜଣଙ୍କର ମୃତ୍ୟୁ ଘଟିଥିଲା। ଏହି ଘଟଣାରେ ଆମେରିକା ରାଷ୍ଟ୍ରପତି ଜୋ ବାଇଡେନ ମଧ୍ୟ ଦୁଃଖ ପ୍ରକାଶ କରିଥିଲେ।
Comments are closed.