ଆସିକା: କରୋନା ପ୍ରଭାବିତ ଗଞ୍ଜାମ ଜିଲାକୁ ଫେରିଥିବା ପ୍ରବାସୀ ଓଡ଼ିଆ ଏବେ କର୍ମ ଅନ୍ବେଷଣରେ ପୁଣି ଫେରିଥିବା ସ୍ଥାନକୁ ବାହୁଡିବା ଆରମ୍ଭ କରିଛନ୍ତି। ଜିଲାର ବିଭିନ୍ନ ସ୍ଥାନରୁ ଦଲାଲଙ୍କ ଦ୍ବାରା ବ୍ୟବସ୍ଥିତ ବିଭିନ୍ନ ବସରେ ପ୍ରବାସୀମାନେ ବାହାର ରାଜ୍ୟକୁ ଫେରୁଛନ୍ତି। ଚଳଣିରେ ଅସୁବିଧା ଏବଂ ଜନ୍ମମାଟିରେ କର୍ମସଂସ୍ଥାନ ଅଭାବରୁ ପ୍ରବାସୀମାନେ ବାଧ୍ୟହୋଇ କର୍ମସ୍ଥଳକୁ ଫେରିବାରେ ଲାଗିଛନ୍ତି। ପ୍ରତିଦିନ ଜିଲାର ବିଭିନ୍ନ ଅଞ୍ଚଳରୁ ଏଭଳି ଶହଶହ ପ୍ରବାସୀ ବାହାର ରାଜ୍ୟକୁ ବସରେ ଯାଉଛନ୍ତି। ସୁରତ, କେରଳ, ରାଜସ୍ଥାନ, ମହାରାଷ୍ଟ୍ର, ତାମିଲନାଡୁ, ଆନ୍ଧ୍ରପ୍ରଦେଶ ଓ ବାଙ୍ଗାଲୁରକୁ ବସ ଯୋଗେ ବାହୁଡିଛନ୍ତି। ଆଜି ଆସିକା ବସଷ୍ଟାଣ୍ଡରେ ଦିନତମାମ ପ୍ରାୟ ୧୬ଟି ଗାଡି ଯୋଗେ ପ୍ରାୟ ଏକହଜାର ପ୍ରବାସୀ ବାହାର ରାଜ୍ୟକୁ ଯାଇଛନ୍ତି। ଆସିକା ବ୍ଲକରେ ପ୍ରାୟ ୨୨ ହଜାର ଓଡିଆ ପ୍ରବାସୀ ରହିଥିବା ବେଳେ ପ୍ରାୟ ୧୪ ହଜାର ପ୍ରବାସୀ କରୋନା କାଳରେ ଜନ୍ମସ୍ଥାନକୁ ଫେରିଥିଲେ। ବର୍ତ୍ତମାନ ବାହାର ରାଜ୍ୟରେ କରୋନା ସଂକ୍ରମଣ ବିସ୍ଫୋରକ ସ୍ଥିତିରେ ରହିଥିଲେ ହେଁ ପେଟ ବିକଳରେ ରହିଥିବା ପ୍ରବାସୀ ସଥେିକୁ ଭୃକ୍ଷେପ ନକରି ବାହାର ରାଜ୍ୟକୁ ଯିବାକୁ ଅଣ୍ଟା ଭିଡିଛନ୍ତି। କିଛି କୁଶଳି ଶ୍ରମିକ ସୁରତ ଫେରି ସେଠାକାର ସୂତାକଳରେ ଦିନ ବେଳା ସିଫ୍ଟରେ କାମ କରୁଥିବା ସୂଚନା ମିଳିବା ପରେ ଏଠାରେ ରହିଥିବା ଅନ୍ୟମାନେ ମଧ୍ୟ କାମ ଲୋଭରେ ସେଠାକୁ ଯିବାକୁ ମନ ବଳାଇ ନିଜନିଜସ୍ତରରେ ଉଦ୍ୟମ ଚଳାଇଛନ୍ଥଇ। ଆଜି ବୁଗୁଡା, ସାନଖେମୁଣ୍ଡି, ପୋଲସରା, ପାଟପୁର, ଦିଗପହଣ୍ଡି ଓ ଆସିକା ବ୍ଲକର କେତେକ ପ୍ରବାସୀ ତାମିଲନାଡୁ ଓ ଆନ୍ଧ୍ରପ୍ରଦେଶକୁୁ ବସରେ ଯାଇଛନ୍ତି।
Comments are closed.