ବ୍ରହ୍ମପୁର: ଏମ୍କେସିଜି ମେଡିକାଲ କଲେଜ ଓ ହସିପିଟାଲରେ ଆଉ ଜଣେ କରୋନା ସନ୍ଦିଗ୍ଧ ରୋଗୀ ସୋମବାର ଭର୍ତ୍ତି ହୋଇଛନ୍ତି। ଦିଗପହଣ୍ଡି ଅଞ୍ଚଳର ଏହି ୭୫ ବର୍ଷୀୟ ରୋଗୀ ଜଣକ ଗତ ମାସରେ ମାଉଣ୍ଟଆବୁ ଯାଇଥିଲେ। ସେଠାରେ ଥିବା ଏକ ଆଧ୍ୟାତ୍ମିକ ଶିବିରରେ ରହଣିକାଳରେ ତାଙ୍କୁ କାଶ ଓ ଜ୍ୱର ହୋଇଥିଲା। ସେଠାରୁ ସେ ୫ ଦିନ ତଳେ ଦିଗପହଣ୍ଡି ଫେରିଥିଲେ। ଆଉ ଏମକେସିଜିକୁ ଆସି ଚିକିତ୍ସିତ ହେଉଥିଲେ। ତେବେ ୪ ଦିନ ଚିକିତ୍ସା
ପରେ ମଧ୍ୟ ବୃଦ୍ଧାଙ୍କ କାଶ ନଛାଡିବାରୁ ଏମକେସିଜିର ଡାକ୍ତରମାନେ ତାଙ୍କୁ କରୋନା ୱାର୍ଡରେ ଭର୍ତ୍ତି ପାଇଁ ପରାମର୍ଶ ଦେଇଛନ୍ତି। ଏହି ବୃଦ୍ଧା ଜଣଙ୍କୁ ମିଶାଇ ଏମକେସିଜିରେ ବର୍ତ୍ତମାନ ୪ ଜଣ ରୋଗୀ ଚିକିତ୍ସିତ ହେଉଛନ୍ତି। ସେମାନଙ୍କ ମଧ୍ୟରୁ ୨ ଜଣଙ୍କ ରିପୋର୍ଟ ନେଗେଟିଭ ଆସିଛି ବୋଲି କରୋନା ୱାର୍ଡ ଦାୟିତ୍ୱରେ ଥିବା ଡା. ଉମାଶଙ୍କର ମିଶ୍ର କହିଛନ୍ତି। ଏପଟେ ଶନିବାର ଏମକେସିଜିରୁ ଫେରାର ହୋଇଥିବା କୃଷ୍ଣପ୍ରସାଦ ବ୍ଳକର ସନ୍ଦିଗ୍ଧ ଯୁବକ ରବିବାର ବିଳମ୍ବିତ ରାତିରେ ପୁଣିଥରେ ଏମକେସିଜିକୁ ଫେରି ଆସିଥିବା ଜଣାପଡ଼ିଛି।
Comments are closed.