ହାଇଦ୍ରାବାଦ: ଚଳିତ ବର୍ଷ ଅକ୍ଷୟ ତୃତୀୟାରେ ସହରର ଅଳଙ୍କାର ଦୋକାନରେ ଅଭାବନୀୟ ଦୃଶ୍ୟ ଦେଖିବାକୁ ମିଳିବ। ଲକଡାଉନ ପ୍ରଭାବରେ ଏଥର ଅକ୍ଷୟ ତୃତୀୟାରେ ସେଭଳି ସୁନା ବିକ୍ରି ହେବ ବୋଲି ବ୍ୟବସାୟମାନେ ମନରେ ଆଶା ବାନ୍ଧି ପାରୁନାହିଁନ୍ତି। ଯଦି ଏଭଳି ପରିସ୍ଥିତି ଜାରି ରହେ, ତେବେ ଦିପାବଳୀରେ ମଧ୍ୟ ସୁନା ବଜାର ଚମକ ହରାଇବ।
ଏଥର ଅକ୍ଷୟ ତୃତୀୟା ରବିବାରରେ ପଡୁଥିବାରୁ ଅନେକ ଲୋକ ଏହି ଦିନ ସୁନା କିଣିବାକୁ ଶୁଭ ବୋଲି ମନେ କରନ୍ତି। କିନ୍ତୁ ଲକଡାଉନ୍ ଆଢୁଆଳରେ ଏଥର ଅକ୍ଷୟ ତୃତୀୟା ସମ୍ପୂର୍ଣ୍ଣ ଅଦୃଶ୍ୟ ହୋଇଯାଇଛି। ବ୍ୟବସାୟୀମାନଙ୍କ ମନରେ ମଧ୍ୟ ନିରାଶର ଛାୟା ଖେଳି ଯାଇଛି।
ଦରମା ହ୍ରାସ, ଛଟେଇ ଏବଂ ଆର୍ଥିକ ଚାପର ଖବର ସୁନା ବଜାରକୁ ନିଷ୍କ୍ରିୟ କରି ଦେଇଛି। ସୁନା ଏକ ବିଳାସପୂର୍ଣ୍ଣ ବସ୍ତୁ ହୋଇଥିବାରୁ ଏଭଳି ପରିସ୍ଥିତିରେ ଗ୍ରାହକମାନେ ଏଥିରୁ ମୁହଁ ଫେରାଇ ନେବା ସ୍ବଭାବିକ। ଅତ୍ୟାବଶ୍ୟକ ସାମଗ୍ରୀ କିଣିବାକୁ ଲୋକେ ପ୍ରାଥମିକତା ଦେବେ ବୋଲି ଟ୍ୱିନ୍ ସିଟି ଜୁଏଲର୍ସ ଆସୋସିଏସନର ପୂର୍ବତନ ସଭାପତି ହରି କିଶନ ଗୁପ୍ତା କହିଛନ୍ତି।
ସାମ୍ପ୍ରତିକ ଧାରାକୁ ଯୋଡିବା ସହିତ ସୁନାର ମୂଲ୍ୟ ବୃଦ୍ଧି ମଧ୍ୟ ଅନ୍ୟ ଏକ ଚିନ୍ତାର କାରଣ। ବର୍ତ୍ତମାନ ସୁନାର ମୂଲ୍ୟ ସ୍ଥାୟୀ ନୁହେଁ। ଅତୀତରେ ଲୋକମାନେ ଯେପରି ଏହି ହଳଦିଆ ଧାତୁକୁ କିଣିବାକୁ ଇଚ୍ଛା ପ୍ରକାଶ କରୁଥିଲେ, ବର୍ତ୍ତମାନ ସେଭଳି ନାହିଁ। କେବଳ ବିଭିନ୍ନ ସମୟରେ ଆବଶ୍ୟକସ୍ଥଳେ ଲୋକେ ସୁନା କିଣିବେ ବୋଲି କିଶନ ଗୁପ୍ତା ଅନୁଭବ କରିଛନ୍ତି।
ଶିଳ୍ପ ବିଶେଷଜ୍ଞ କହିଛନ୍ତି ଯେ, ଲକଡାଉନ ପରେ ଲୋକଙ୍କୁ ସ୍ବଭାବିକ ଅବସ୍ଥାକୁ ଫେରିବାକୁ ଅତି କମରେ ପାଞ୍ଚ ମାସ ସମୟ ଲାଗିବ। ପାଞ୍ଚ ମାସ ପରେ ସ୍ବଳ୍ପ ପରିମାଣରେ ସୁନା ବିକ୍ର ହେବ ବୋଲି ଅନୁମାନ କରାଯାଉଛି। ସେଭଳି କିଛି ସୁନା ବଜାରରେ ଉନ୍ନତି ପରିଲିକ୍ଷିତ ହେବ ବୋଲି ଆଶା କରାଯାଉନାହିଁ।