ଅଯୋଧ୍ୟା ରାମମନ୍ଦିର ଭୂମି ପୂଜନ ସ୍ଥଗିତ; ଚୀନ-ଭାରତ ଉତ୍ତେଜନା ଯୋଗୁଁ କାର୍ଯ୍ୟକ୍ରମ ରଦ୍ଦ
ଜୁଲାଇ ୨ ତାରିଖରେ ପ୍ରଧାନମନ୍ତ୍ରୀ ଭିଡ଼ିଓ କନ୍ଫରେନ୍ସ ଜରିଆରେ କରିଥଆନ୍ତେ ଭୂମି ପୂଜନ କାର୍ଯ୍ୟକ୍ରମ
ଅଯୋଧ୍ୟା: ଆସନ୍ତା ୨ ତାରିଖରେ ହୋଇଥାଆନ୍ତା ଅଯୋଧ୍ୟାର ଭବ୍ୟ ରାମମନ୍ଦିର ଭୂମି ପୂଜନ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭିଡ଼ିଓ କନ୍ଫରେନ୍ସିଂ ଜରିଆରେ ଏହାର ଶିଳାନ୍ୟାସ କରିତାଆନ୍ତେ । ମାତ୍ର ଗଲୱାନ ଘାଟିରେ ଭାରତ-ଚୀନ ମଧ୍ୟରେ ସୃଷ୍ଟି ହୋଇଥିବା ହିଂସ୍ର ବିବାଦ ଓ ଏଥିରେ୨୦ ଭାରତୀୟ ସେନାଙ୍କ ପରଲୋକ ପରେ ଏହି କାର୍ଯ୍ୟକ୍ରମକୁ ରଦ୍ଦ କରି ଦିଆଯାଇଛି ।
ଗୁରୁବାର ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟର ମହାସଚିବ ଚମ୍ପତ ରାୟ ଏହି ସୂଚନା ଦେଇଛନ୍ତି । ସେ କହିଛନ୍ତି ଯେ ଆସନ୍ତା ୨ ତାରିଖରେ ସକାଳ ୮ଟାରୁ ୧୦ଟା ମଧ୍ୟରେ ଏହି ଶିଳାନ୍ୟାସ କାର୍ଯ୍ୟକ୍ରମ କରାଯିବାକୁ ସ୍ଥିର ହୋଇଥିଲା । ମାତ୍ର ଭାରତ ଓ ଚୀନ ମଧ୍ୟରେ ସୀମା ପରିସ୍ଥିତି ଦୃଷ୍ଟିରୁ ଏହାକୁ ସ୍ଥଗିତ ରଖାଯାଇଛି । ଦେଶର ସୁରକ୍ଷା ଆମ ସମସ୍ତଙ୍କ ନିମନ୍ତେ ପ୍ରାଥମିକତା । ବର୍ତମାନ ସମୟ ମନ୍ଦିର ନିର୍ମାଣ ନିମନ୍ତେ ଅନୁକୂଳ ନୁହେଁ । ସେ କହିଛନ୍ତି ଯେ ଦେଶର ପରିସ୍ଥିତିକୁ ଦେଖି ଆଗାମୀ ଦିନରେ ନୂଆ ତାରିଖ ଧାର୍ଯ୍ୟ କରାଯିବ ।
Related Posts
ଗତ ଜୁନ୍ ୩ ତାରିଖରେ ରାଷ୍ଟ୍ରୀୟ ସ୍ବୟଂ ସେବକ ସଂଖର ସର କାର୍ଯ୍ୟବାହୀ ଭୈୟାଜୀ ଯୋଶୀରାମ ରାମଜନ୍ମଭୂମିର ପବିତ୍ର ମାଟି ଧରି ଫେରିଥିଲେ । ଏହି ମାଟି ପ୍ରଧାନମନ୍ତ୍ରୀଙ୍କ ନିକଟରେ ପହଞ୍ଚା ଯାଇଥିଲା । ପ୍ରଧାନମନ୍ତ୍ରୀ ଆସନ୍ତା ୨ ତାରିଖରେ ଏହି ମାଟିର ପୂଜନ କରିଥାଆନ୍ତେ ଓ ନିର୍ମାଣ ସମିତିର ଅଧ୍ୟକ୍ଷ ନୃପେନ୍ଦ୍ର ମିଶ୍ରଙ୍କ ଦ୍ବାରା ଏହ ଅଯୋଧ୍ୟା ଅଣା ଯାଇଥାଆନ୍ତା ।
ଅନ୍ୟପକ୍ଷରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ଟ୍ରଷ୍ଟ ପଦାଧିକାରୀ, ସନ୍ଥ ଓ ମହନ୍ତ ମଧ୍ୟ ଅଯୋଧ୍ୟାରେ ସାମିଲ ହେବାର କାର୍ଯ୍ୟକ୍ରମ ରହିଥିଲା ଏବଂ ମନ୍ଦିର ନିର୍ମାଣ ନିମନ୍ତେ ମାଟି ଖୋଳିବା କାମ ଆରମ୍ଭ ହୋଇଥାଆନ୍ତା । ଏହି ନିର୍ମାଣ କାର୍ଯ୍ୟ ଏଲ୍ ଏଣ୍ଡ ଟିକୁ ଅର୍ପଣ କରାଯାଇଥିଲା ।
ସୁପ୍ରିମକୋର୍ଟଙ୍କ ନିର୍ଦେଶ ଅନୁସାରେ ଶ୍ରୀରାମ ତୀର୍ଥକ୍ଷେତ୍ର ଟ୍ରଷ୍ଟ ଗଠନ କରାଯାଇଛି । ୨୫ ମାର୍ଚରେ ଶ୍ରୀ ରାମଲାଲାଙ୍କୁ ଅସ୍ଥାୟୀ ମନ୍ଦିରରେ ସ୍ଥାପନ କରାଯାଇଛି । ୬୭ ଏକର ଜମିରେ ଏହି ମନ୍ଦିର ନିର୍ମାଣ କରାଯିବାକୁ ପ୍ରସ୍ତାବ ରହିଛି ।
Comments are closed.