ଦୁଇ ଘଣ୍ଟା ପରେ ମୁମ୍ବଇରେ ସ୍ବଭାବିକ ହେଲା ବିଦ୍ୟୁତ ଯୋଗାଣ, ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଡାକିଲେ ଜରୁରୀ ବୈଠକ

ମୁମ୍ବଇ : ସୋମବାର ପୂର୍ବାହ୍ନରେ ମୁମ୍ବଇରେ ଦେଖାଦେଇଥିବା ବଡ଼ ଧରଣର ବିଜୁଳି ବିଭ୍ରାଟର ସମାଧାନ ହୋଇଛି । ପ୍ରାୟ ଦୁଇ ଘଣ୍ଟା ପରେ ଦେଶର ଆର୍ଥିକ ରାଜଧାନୀ ମୁମ୍ବଇରେ ସ୍ବଭାବିକ ହୋଇଛି ବିଦ୍ୟୁତ ଯୋଗାଣ । ସକାଳ ୧୦.୧୫ରୁ ବାନ୍ଦ୍ରା, କୋଲାବା,ଠାଣେ ଓ ନଭି ମୁମ୍ବଇର ବିସ୍ତୃତ ଅଞ୍ଚଳକୁ ବିଦ୍ୟୁତ ଯୋଗାଣ ପ୍ରଭାବିତ ହୋଇଥିଲା । ବିଦ୍ୟୁତ ସେବା ବ୍ୟାହତ ହେବା ସହ, ଲୋକାଲ ଟ୍ରେନ ଚଳାଚଳ ପ୍ରଭାବିତ ହୋଇଥିଲା ।

ସୂଚନାଅନୁସାରେ ସୋମବାର ସକାଳ ୧୦.୧୫ ରୁ ମୁମ୍ବଇ ମହାନଗରରେ ଗ୍ରୀଡ୍ ଫେଲ ହୋଇ ସହରରେ ବିଦ୍ୟୁତ୍ ଯୋଗାଣରେ ବାଧା ସୃଷ୍ଟି କରିଥିଲା । ବିଦ୍ୟୁତ୍ କଟିଯିବା ହେତୁ ସ୍ଥାନୀୟ ଟ୍ରେନ୍ ସେବା ମଧ୍ୟ ପ୍ରଭାବିତ ହୋଇଥିଲା। ବୃହନମୁମ୍ବଇ ବିଦ୍ୟୁତ୍ ଯୋଗାଣ ଏବଂ ପରିବହନ ସଂସ୍ଥା ପକ୍ଷରୁ କୁହାଯାଇଛି ଯେ, ଟାଟା ବିଦ୍ୟୁତ୍ ଯୋଗାଣ ପକ୍ଷରୁ ବିଦ୍ୟୁତ ଯୋଗାଣରେ  ବିଭ୍ରାଟ ଯୋଗୁଁ ଦେଶର ଆର୍ଥିକ ଆର୍ଥିକ ରାଜଧାନୀରେ ବିଦ୍ୟୁତ୍ ଯୋଗାଣ ବ୍ୟାହତ ହୋଇଛି। ଲାଇନ ଏବଂ ଟ୍ରାନ୍ସଫର୍ମରଗୁଡିକର ଅନେକ ଟ୍ରପିଂ (କାଲାୱା-ପ୍ୟାଡେ ଏବଂ ଖାର୍ଗାର୍ ଆଇସିଟି) ସହର ଏବଂ ଉପକଣ୍ଠରେ ୩୬୦ ମେଗାୱାଟ ଯୋଗାଣକୁ ପ୍ରଭାବିତ କରିଥିଲା ​​।

ଅନ୍ୟପକ୍ଷରେ, ମୁମ୍ବଇ ଟାଉନସିପରେ  ବିଦ୍ୟୁତ୍ ଯୋଗାଣ ଦାୟିତ୍ଵରେ ଥିବା କମ୍ପାନୀ ୱେଷ୍ଟ କହିଛି ଯେ, ସହରକୁ ବିଦ୍ୟୁତ୍ ଯୋଗାଣ କରୁଥିବା ପ୍ଲାଣ୍ଟଗୁଡିକର ଗ୍ରୀଡ୍ ଫେଲ ହୋଇଛି। ଏହି କାରଣରୁ ସହରର ପୂର୍ବ, ପଶ୍ଚିମ, ଉପନଗର ତଥା ଥାନେ ସହରର କିଛି ଅଂଶରେ ବିଦ୍ୟୁତ ସେବା ବ୍ୟାହତ ହୋଇଛି। ଏହି କାରଣରୁ ଲୋକମାନେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି।

ତେବେ ଏହାରି ମଧ୍ୟରେ ମହାରାଷ୍ଟ୍ର ସରକାର ମୁମ୍ବଇରେ ଦେଖାଦେଇଥିବା ବଡ଼ ଧରଣର ବିଜୁଳି ବିଭ୍ରାଟର ଯାଞ୍ଚ ପାଇଁ ନିର୍ଦ୍ଦେଶ ଦେଇଛନ୍ତି । ଏଥି ସହିତ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଜରୁରୀ ବୈଠକ ଡାକିଛନ୍ତି ।