MEllora 950×100

ପବନରେ ଆଳୁ ଚାଷ

ଚାଷ କରିବା ପରେ ଚାଷୀଟେ ଭାରି ଚିନ୍ତାରେ ରହେ। ଫସଲ ଏଥରକ ଭଲ ହେବ କି ନାଇଁ, ମାଟି ଉର୍ବର ନଥିଲେ ଆଉ ଏକ ସମସ୍ୟା ଉପୁଜେ। ସବୁ ଠିକ୍‌ଠାକ୍ ଥିଲେ, ଆଳୁ ଚାଷ କରି ମଧ୍ୟ ଚାଷୀ ଲାଭବାନ୍ ହେଉଛନ୍ତି। ମାଟିରେ ଖଣିଜତତ୍ତ୍ବ ଯଥା ପରିମାଣରେ ନଥିଲେ, ଆଳୁ ଭଲ ହୁଏନି। ଏତେ ସବୁ ଚିନ୍ତାରୁ ମୁକ୍ତି ଚାହୁଁଥିଲେ, ଚାଷୀ ଭାଇମାନେ ଏଥରକ ପବନରେ ଆଳୁ ଚାଷ କରିବାକୁ ପ୍ରସ୍ତୁତ ହୋଇଯାନ୍ତୁ।

ଏରୋପୋନିକ୍ ମାଧ୍ୟମରେ ଏହି ଚାଷ ଚାଲିଛି। ହରିୟାଣାସ୍ଥିତ ଆଳୁ ଗବେଷଣା କେନ୍ଦ୍ରରେ ପ୍ରାରମ୍ଭିକ ପର୍ଯ୍ୟାୟରେ ପରୀକ୍ଷା କରି ଗବେଷକ ସଫଳ ହୋଇଛନ୍ତି। ଗବେଷକ କହିଛନ୍ତି, ମାଟିରେ ଆଳୁ ଚାଷ କଲେ କ୍ଷୟକ୍ଷତି ଅଧିକ ହେଉଛି। ମାଟିରେ ଥିବା ଜୀବାଣୁ ଆକ୍ରମଣରୁ ଆଳୁକୁ ସୁରକ୍ଷିତ ଭାବେ ଚାଷ କରିବା ଆଦୌ ସହଜ ନୁହେଁ। ଚାଷୀମାନେ ଖୁବ୍ କମ୍ ଅର୍ଥ ବିନିଯୋଗ କରି ଏଥିରୁ ଲାଭବାନ୍ ହୋଇପାରିବେ। ଏହି ପ୍ରକ୍ରିୟାରେ ଆଳୁ ଚାଷ ଝୁଲନ୍ତା ଭାବେ କରାଯିବ। ମଧ୍ୟପ୍ରଦେଶ ଚାଷୀମାନେ ଏହି ଉପାୟରେ ଚାଷ କରିବାକୁ ତାଲିମ ନେବା ଆରମ୍ଭ କରିଛନ୍ତି। ଖୁବ୍ ଶୀଘ୍ର ଦେଶର ପ୍ରତ୍ୟେକ ପ୍ରାନ୍ତରେ ଏରୋପୋନିକ୍ ମାଧ୍ୟମରେ ଆଳୁ ଚାଷ କରାଯିବା ଯୋଜନା ଚାଲିଛି।

Comments are closed.