ପଣଜୀ: ଲୋକପ୍ରିୟ ଟେନିସ୍ କ୍ରୀଡ଼ାବିତ୍ ଲିଏଣ୍ଡର ପେସ୍ ଗୋଆରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପସ୍ଥିତିରେ ତୃଣମୂଳ କଂଗ୍ରେସରେ ସାମିଲ ହୋଇଛନ୍ତି। ଏହା ପୂର୍ବରୁ ଆଜି ବଲିଉଡ଼ ଅଭିନେତ୍ରୀ ନଫିସା ଅଲୀ ଓ ମୃଣାଳିନୀ ଦେଶପ୍ରଭୁ ଦିଦିଙ୍କ ଉପସ୍ଥିତିରେ ଟିଏମସି ହାତ ଧରିଛନ୍ତି। ଏହି ସମୟରେ ସାଂସଦ ଡେରେକ୍ ଓବ୍ରାୟନ ମଧ୍ୟ ଉପସ୍ଥିତ ଥିଲେ। ଅଲ୍ ଇଣ୍ଡିଆ ତୃଣମୂଳ କଂଗ୍ରେସ ଟ୍ବିଟ୍ କରି ଏନେଇ ସୂଚନା ଦେଇଛନ୍ତି। ଟିଏମସି ଟ୍ବିଟ୍ କରି କହିଛି ଯେ, ‘‘ଆମେ ଆନନ୍ଦିତ ଯେ, ନଫିସା ଅଲୀ ଓ ମୃଣାଳିନୀ ଦେଶପ୍ରଭୁ ଆଜି ଆମ ମାନନୀୟ ସଭାପତିଙ୍କ ଉପସ୍ଥିତିରେ ଗୋଆ ତୃଣମୂଳ କଂଗ୍ରେସ ପରିବାରରେ ସାମିଲ ହୋଇଛନ୍ତି। ଆମେ ଉଭୟଙ୍କୁ ହୃଦୟରୁ ସ୍ବାଗତ କରୁଛୁ’’।
୨୦୨୨ ବିଧାନସଭା ନିର୍ବାଚନରେ ଟିଏମସି ଗୋଆରେ ପ୍ରବେଶ କରିବାକୁ ଚେଷ୍ଟା କରୁଛି। ମମତା ବାନାର୍ଜୀ ଗୁରୁବାର ସନ୍ଧ୍ୟାରେ ନିଜର ପ୍ରଥମ ଗସ୍ତରେ ଗୋଆରେ ପହଞ୍ଚିଥିଲେ। ଏହି ମତଦାନ ପୂର୍ବରୁ ବିଜେପି ଶାସିତ ରାଜ୍ୟରେ ରାଜନୈତିକ ମନୋଭାବ ଜାଣିବା ପାଇଁ ଏକ ପ୍ରୟାସ ବୋଲି ଦର୍ଶାଯାଇଥିଲା। ଶୁକ୍ରବାର ସନ୍ଧ୍ୟାରେ ସେ ସମ୍ପ୍ରଦାୟର ପ୍ରତିନିଧିଙ୍କ ସହ ଯୋଗାଯୋଗ କରିବେ ବୋଲି ଟିଏମସିର ଜଣେ ବରିଷ୍ଠ ନେତା କହିଛନ୍ତି।
Comments are closed.