୫ମ ପର୍ଯ୍ୟାୟ ରାଫେଲ ଲଢୁଆ ବିମାନ ଭାରତ ପହଞ୍ଚିଲା

ନୂଆଦିଲ୍ଲୀ: ପଞ୍ଚମ ଦଫା ରାଫେଲ ଲଢୁଆ ବିମାନ ବୁଧବାର ଭାରତରେ ପହଞ୍ଚିଛି। ଦୀର୍ଘ ୮୦୦୦ କିଲୋମିଟର ଉଡାଣ କରିବା ପରେ ତାହା ଆମ ଦେଶରେ ପହଞ୍ଚିଥିଲା। ଏହି ବିମାନଗୁଡିକରେ ମଝିବାଟରେ ଆକାଶ ମାର୍ଗରେ ଇନ୍ଧନ ଭର୍ତ୍ତି କରାଯାଇଥିଲା। ଏ କ୍ଷେତ୍ରରେ ଫ୍ରାନ୍ସ ଏବଂ ୟୁଏଇର ବାୟୁସେନା ଭାରତକୁ ସହାୟତା କରିଥିଲେ। ଚଳିତ ପର୍ଯ୍ୟାୟରେ କେତେ ସଂଖ୍ୟକ ବିମାନ ଭାରତ ଆସିଛି, ତାହା ସରକାରଙ୍କ ପକ୍ଷରୁ ସ୍ପଷ୍ଟ କରାଯାଇନାହିଁ।
ଏହି ଲଢୁଆ ବିମାନଗୁଡିକ ଫ୍ରାନ୍ସର ମେରିନାକ୍‍ ବାୟୁସେନା ଘାଟିରୁ ଉଡାଣ ଆରମ୍ଭ କରିବାପରେ ସିଧା ଭାରତ ପହଞ୍ଚିଥିଲା। ସୂଚନାଯୋଗ୍ୟ, ରାଫେଲ ଲଢୁଆ ବିମାନ ଗତବର୍ଷ ଜୁଲାଇ-ଅଗଷ୍ଟରୁ ଭାରତୀୟ ସେନାରେ ସାମିଲ ହେବା ଆରମ୍ଭ ହୋଇଛି। ଚୀନ ସହିତ ତୀବ୍ର ବିବାଦ ଲାଗିରହିଥିବା ପରିସ୍ଥିତିରେ ଏହାକୁ ପୂର୍ବ ଲଦାଖ ଏବଂ ଅନ୍ୟ ସୀମାନ୍ତ ଅଞ୍ଚଳରେ ପାଟ୍ରୋଲିଂ ପାଇଁ ମୁତୟନ କରାଯାଇଛି। ଏହି ଲଢୁଆ ବିମାନଗୁଡିକରେ ହାମ୍ମର କ୍ଷେପଣାସ୍ତ୍ର ଖଞ୍ଜାଯାଇଛି ଏବଂ ଏହା ଆକାଶମାର୍ଗରୁ ଭୂପୃଷ୍ଠ ଲକ୍ଷ୍ୟସ୍ଥଳ ଉପରେ ଆକ୍ରମଣ କରିବାକୁ ସମର୍ଥ।

Comments
Loading...