ମୋଦୀଙ୍କ ରାଜନୀତି ଜୀବନ ; ଶାସନମୁଖ୍ୟ ଭାବେ ପୂରିଲା ୨୦ ବର୍ଷ

ନୂଆଦିଲ୍ଲୀ : ନରେନ୍ଦ୍ର ଦାମୋଦର ଦାସ ମୋଦୀଙ୍କ ଜନ୍ମ ୧୭ ସେପ୍ଟେମ୍ବର ୧୯୫୦ରେ ଗୁଜରାଟର ମେହସାଣା ଜିଲାର ବଡନଗରରେ ହୋଇଥିଲା। ସେ ଦେଶର ପ୍ରଥମ ପ୍ରଧାନମନ୍ତ୍ରୀ ଯାହାଙ୍କ ଜନ୍ମ ସ୍ୱାଧୀନତା ପରେ ହୋଇଥିଲା। ୨୦୦୧ରେ ସେ ଗୁଜରାଟର ମୁଖ୍ୟମନ୍ତ୍ରୀ ହୋଇଥିଲେ। ୨୦୧୪ରେ ସେ ପ୍ରଧାନମନ୍ତ୍ରୀ ହୋଇଥିଲେ। ୨୦୧୯ରେ ବିଜେପି ଜନତା ପାର୍ଟି କ୍ଷମତାକୁ ଆସିବା ପରେ ସେ ୨ୟ ଥର ପ୍ରଧାନମନ୍ତ୍ରୀ ହୋଇଛନ୍ତି। ୨୦ ବର୍ଷ ମଧ୍ୟରେ ରାଜନୀତିରେ ମୋଦୀ ନୂଆ ଶିଖରରେ ପହଞ୍ଚିଛନ୍ତି। ଜାତୀୟସ୍ତରର ସବୁଠାରୁ ପ୍ରଭାବଶାଳୀ ନେତା ଭାବେ ମୋଦୀ ପରିଚିତ। ୨୦ ବର୍ଷ ପୂର୍ବେ ଗୁଜରାଟର ମୁଖ୍ୟମନ୍ତ୍ରୀ ଭାବେ ଶପଥ ନେଇଥିବା ମୋଦୀ ବର୍ତ୍ତମାନ ଦେଶର ପ୍ରଧାନମନ୍ତ୍ରୀ ଭାବେ ଦାୟିତ୍ୱ ତୁଲାଉଛନ୍ତି। ଜନପ୍ରିୟ ନେତା ଭାବେ ସେ ପ୍ରଧାନମନ୍ତ୍ରୀ ଭାବେ ୭ ବର୍ଷ ପୂରଣ କରିସାରିଛନ୍ତି।
ପ୍ରଧାନମନ୍ତ୍ରୀ ଯେବେଠାରୁ ମୁଖ୍ୟମନ୍ତ୍ରୀ ହେଲେ ଓ ପରେ ପ୍ରଧାନମନ୍ତ୍ରୀ ହେଲେ ସେହି ସମୟରେ ପ୍ରତିବର୍ଷ କିଛିନା କିଛି ବଡ଼ ଯୋଜନା କରିଛନ୍ତି । ଏହି ୨୦ ବର୍ଷରେ ୨୦ଟି ପ୍ରମୁଖ କାର୍ଯ୍ୟକୁ ବିଜେପି ‘ହର ସାଲ୍ ଖାସ’ ଭାବରେ ସ୍ଥାନୀତ କରିଛି ।
୨୦୦୨ ମସିହାରେ ଶ୍ରୀ ମୋଦୀ ଗୁଜୁରାଟ ବିଧାନସଭା ନିର୍ବାଚନର ନେତୃତ୍ୱ ନେଇଥିଲେ। ୨୦୦୩ ମସିହାରେ ପ୍ରଥମ ’ ଭାଇବ୍ରେଣ୍ଟ ଗୁଜୁରାଟ’ ଗ୍ଲୋବାଲ୍ ଇନଭେଷ୍ଟର୍ସ ସମ୍ମିଳନୀ ଆୟୋଜିତ ହୋଇଥିଲା। ୨୦୦୫ ମସିହାରେ ରାଜ୍ୟରେ ଶିଶୁ ଲିଙ୍ଗ ଅନୁପାତ ହ୍ରାସକୁ ରୋକିବା ପାଇଁ ବେଟି ବଚାଓ ଅଭିଯାନ ଆରମ୍ଭ କରାଯାଇଥିଲା । ୨୦୦୬ ମସିହାରେ ଗୁଜୁରାଟୀମାନଙ୍କୁ ଦିଆଯାଇଥିଲା ଜ୍ୟୋତିଗ୍ରାମ ସ୍କିମ୍ ଉପହାର | ୨୦୦୭ରେ ଶ୍ରୀ ମୋଦୀଙ୍କ ନେତୃତ୍ୱରେ ଦଳ ତୃତୀୟ ବିଧାନସଭା ନିର୍ବାଚନରେ ​​ଜିତିଥିଲା ​​। ୨୦୦୮ ଟାଟା ନାନୋକୁ ଗୁଜୁରାଟ ଜମି ଦିଆଯାଇଥିଲା,  ଯାହା କାର ଉତ୍ପାଦନର ଗୁଜୁରାଟ ହବରେ ପରିଣତ ହୋଇଥିଲା |୨୦୦୯ ମସିହାରେ, ରାଜ୍ୟର ସାଧାରଣ ଲୋକଙ୍କ ଜୀବନକୁ ସହଜ କରିବା ପାଇଁ ଇ-ଗ୍ରାମ, ବିଶ୍ୱ-ଗ୍ରାମ ଯୋଜନା ଉଦ୍ଘାଟନ କରିଥିଲେ।
୨୦୧୪ ମେ ୨୬ ତାରିଖରେ ମୋଦୀ ଦେଶର ୧୫ତମ ପ୍ରଧାନମନ୍ତ୍ରୀ ଭାବରେ ଶପଥ ନେଇଥିଲେ । ୨୦୧୫ ଜୁନ ୨୧ ତାରିଖରେ ସାରା ପୃଥିବୀରେ ପ୍ରଥମଥର ଆନ୍ତର୍ଜାତିକ ଯୋଗ ଦିବସ ପାଳନ କରାଯାଇଥିଲା । ୨୦୧୬ରେ ଦୁର୍ନୀତି, କଳା ଟଙ୍କା ଏବଂ ନକଲି ମୁଦ୍ରା ବିରୋଧରେ ବିମୁଦ୍ରୀକରଣ କରାଯାଇଥିଲା ଏବଂ ଡିଜିଟାଲ କାରବାର ପାଇଁ ଭୀମ-ୟୁପିଆଇ ଆରମ୍ଭ କରାଯାଇଥିଲା। ୨୦୧୭ରେ ଗୋଟିଏ ଦେଶ ଗୋଟିଏ ଟିକସ ବ୍ୟବସ୍ଥା, ଦ୍ରବ୍ୟ ଏବଂ ସେବା କର (ଜିଏସଟି) ଲାଗୁ କରାଯାଇଥିଲା | ୨୦୧୮ ମସିହାରେ, ବିଶ୍ୱର ଉଚ୍ଚତମ ପ୍ରତିମୂର୍ତ୍ତିକୁ ଷ୍ଟାଚ୍ୟୁ ଅଫ୍ ୟୁନିଟି ଦେଶ ପାଇଁ ଉତ୍ସର୍ଗ କରାଯାଇଥିଲା | ୨୦୧୯ ରେ ଶ୍ରୀ ମୋଦୀ ଦ୍ୱିତୀୟ ଥର ଦେଶର ପ୍ରଧାନମନ୍ତ୍ରୀ ହୋଇଥିଲେ। ୨୦୨୦ରେ ସଠିକ୍ ସମୟରେ ଏକ ସମ୍ପୂର୍ଣ୍ଣ ତାଲାବନ୍ଦ ଘୋଷଣା କରି  କରୋନା ମହାମାରୀକୁ ରୋକିବାରେ ସମର୍ଥ ହେଲେ ବୋଲି ଦଳ ପକ୍ଷରୁ ପ୍ରଚାରିତ ‘ହର ସାଲ୍ ଖାସ’ରେ ଉଲ୍ଲେଖ କରାଯାଇଛି |
ଏହି ଅବସରରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା କହିଛନ୍ତି, ଆଜକୁ ୨୦ ବର୍ଷ ତଳେ ମୋଦୀ ଗୁଜରାଟର ମୁଖ୍ୟମନ୍ତ୍ରୀ ଭାବେ ଶପଥ ନେବା ପର ଠାରୁ ଆରମ୍ଭ ହୋଇଥିବା ବିକାଶମୂଳକ ଓ ସୁଶାସନର ଯାତ୍ରା ଏବେ ମଧ୍ୟ ଜାରି ରହିଛି।

 

Comments
Loading...