ଭାଙ୍ଗିଲେ କୋବିଦ ଆଇନ: ରାଜଧାନୀର ୨୦ ଦୋକାନରେ ତାଲା ଠୁଙ୍କିଲା ବିଏମସି

ଭୁବନେଶ୍ବର: କୋବିଦ ଆଇନ ଭାଙ୍ଗିବା ମହଙ୍ଗା ପଡ଼ିଛି ରାଜଧାନୀର କିଛି ଦୋକାନୀଙ୍କୁ । ବିଏମସି ଓ ବିଡ଼ିଓ ମିଳିତ ଭାବରେ ଚଢ଼ଉ କରି ଏହି ଦୋକାନଗୁଡ଼ିକରେ ତାଲା ଠୁଙ୍କିଛି । ବିଏମସି ପକ୍ଷରୁ ଏ ସମ୍ପର୍କରେ ସୂଚନା ଦିଆଯାଇଛି । କୋବିଦ ସମୟରେ ସାମାଜିକ ଦୂରତ୍ବ ପାଳନ କରିବା, ମୁହଁରେ ମାସ୍କ ପିନ୍ଧିବା ସହ ଅନ୍ୟାନ୍ୟ କଟକଣା ରହିଛି । ଦୋକାନ ଓ ମଲ ଖୋଲିବା ନିମନ୍ତେ ଅନୁମତି ଦିଆଯାଇଥିଲେ ହେଁ ଏଥିପାଇଁ ବିଭିନ୍ନ ସର୍ତ ରଖାଯାଇଛି । ମାତ୍ର ଏହି ସର୍ତ ପାଳନ କରୁ ନଥିବା ଅଭିଯୋଗରେ ଏହି ଦୋକାନଗୁଡ଼ିକୁ ବନ୍ଦ କରାଯାଇଛି । ସେହିପରି ସହିଦନଗର ଅଞ୍ଚଳରେ୨ଟି ହୋଟେଲକୁ ମଧ୍ୟ ସିଲ୍ କରାଯାଇଥିବା ସୂଚନା ମିଳିଛି ।

BMC-BDA joint squads closed more than 20 shops for violating #SocialDistancing protocol & #COVID19 guidelines. The major ones are Amber, Vishal Mega Mart, Maa Tarini Bastralaya, Lingaraj Lassi, Bhai-Bhai Tiffin stall, Omfed stalls.
We request all to maintain #SocialDistancing pic.twitter.com/JnxwRZlK94

— BMC (@bmcbbsr) June 11, 2020

ଅମ୍ବର, ବିଶାଲ ମେଗା ମାର୍ଟ, ମା’ ତାରିଣୀ ବସ୍ତ୍ରାଳୟ, ଲିଙ୍ଗରାଜ ଲସି, ଭାଇଭାଇ ଟିଫିନ୍ ଷ୍ଟଲ୍, ଓମଫେଡ ଷ୍ଟଲ ନିୟମ ଭାଙ୍ଗିଥିବାରୁ କାର୍ଯ୍ୟାନୁଷ୍ଠାନର ଶିକାର ହୋଇଛନ୍ତି । ଏହି ଦୋକାନ ଗୁଡିକରେ ନିୟମ ଉଲ୍ଲଙ୍ଘନ କରିବାର ଅଭିଯୋଗ ହେବାରୁ ବାଧ୍ୟ ହୋଇ ଏଭଳି କାର୍ଯ୍ୟାନୁଷ୍ଠାନ ନେଇଛି ପ୍ରଶାସନ । ତେଣୁ ଦୋକାନଗୁଡ଼ିକ କୋବିଦ ନିୟମ ମାନିବାକୁ ବିଡ଼ିଏ ଓ ବିଏମସି ସତର୍କ କରାଇ ଦେଇଛି । ହୋଟେଲ ଓ ଜଳଖିଆ ଦୋକାନ ନିକଟରେ ବା ଭିତରେ କେହି ଖାଇ ପାରିବେ ନାହିଁ । ଯେଉଁମାନେ ସେଠାରେ ଖାଇବେ ସେମାନଙ୍କ ବିରୋଧରେ ଓ ଖାଦ୍ୟ ବିକ୍ରି କରୁଥିବା ଦୋକାନ ବିରୋଧରେ କାର୍ଯ୍ୟନୁଷ୍ଠାନ ପାଇଁ ଚେତାବନୀ ଦିଆଯାଇଛି ।