ମହାନତା ଦେଖାଇଲେ ଯୁକ୍ତ ଦୁଇ ଛାତ୍ର: ରାସ୍ତାରେ ପଡିଥିବା ଟଙ୍କା ଓ ମୋବାଇଲ ପାଇ ପର୍ଯ୍ୟଟକଙ୍କୁ ଫେରାଇଲେ

ଆରଡି: ମହାନତା ଦେଖାଇଲେ +୨ରେ ପଢୁଥିବା ଛାତ୍ର ତଥା ଭଦ୍ରକ ଜିଲା ଆରଡି ନିକଟସ୍ଥ ସୁନ୍ଦରପୁର ଗାଁ ସୁଦାମ ସାହୁ।
କଲେଜରୁ ଫେରୁଥିବା ବେଳେ ଭଦ୍ରକ ଆଖଣ୍ଡଳମଣି ମୁଖ୍ୟରାସ୍ତାରେ ଏକ ଭ୍ୟାନିଟି ବ୍ୟାଗ ପଡିଥିବା ଦେଖି ଉଠାଇଥିଲା ସୁଦାମ। ଭ୍ୟାନିଟି ବ୍ୟାଗରେ ବହୁଗୁଡିଏ ୫ଶହ ଟଙ୍କିଆ ନୋଟ ସହ ମୋବାଇଲ ଓ କେତେକ ଦରକାରୀ କାଗଜପତ୍ର ରହିଥିଲା। ବ୍ୟାଗ ଫେରାଇବା ପାଇଁ ଏଣେତେଣେ ଅନାଇଥିଲେ ମଧ୍ୟ ରାସ୍ତାରେ କେହି ନଥିଲେ। ଶେଷରେ ଭ୍ୟାନିଟିରେ ଥିବା ଫୋନରେ କଲ କରିବା ପାଇଁ ଚେଷ୍ଟା କରିଥିଲେ ସୁଦାମ। ହେଲେ ଫୋନଟି ସ୍ବିଚ୍‌ ଅଫ୍‌ ହୋଇଯାଇଥିବାରୁ ଲାଗି ନଥିଲା । ଶେଷରେ ଫୋନ ଚାର୍ଜ କରି ଲଗାଇବାରୁ ହଜାଇଥିବା ବ୍ୟକ୍ତି ଓ ତାଙ୍କ ସର୍ମ୍ପକୀୟ ତତକ୍ଷଣାତ୍‌ ପହଞ୍ଚିଥିଲେ ସୁଦାମଙ୍କ ଘରେ। ସେଠାରେ ସୁଦାମ ତାଙ୍କର ଭେନିଟବ୍ୟାଗ ଓ ସମେତ ଟଙ୍କା, ମୋବାଇଲ ଫେରାଇ ଦେଇଥିଲେ। ଆଜିର ସମାଜରେ କେତେକ ଲୋକ ପାଇଥିବା ଟଙ୍କା ଓ ମୋବାଇଲର ଲୋଭାଶକ୍ତ ହୋଇ ଫେରାଉ ନ ଥିବା ବେଳେ ସୁଦାମ ଏପରି ଭଲ କାର୍ଯ୍ୟ କରି ସମସ୍ତଙ୍କ ପାଇଁ ଉଦାହରଣ ପାଲଟିଥିବା କହିଛନ୍ତି ଗାଁର ପୁରୁଖା ଲୋକ। ହଜାଇଥିବା ବ୍ୟକ୍ତି ଭଦ୍ରକର ଶୁଶାନ୍ତ ନାୟକ। ଆଜି ପବିତ୍ର ଶ୍ରାବଣମାସର ସୋମବାରରେ ମାନସିକ ପୂଜାର୍ଚ୍ଚନା ପାଇଁ ଆଖଣ୍ଡଳମଣିଙ୍କ ପୀଠକୁ ଆସିଥିବା କହିଛନ୍ତି।

Comments are closed.