ଫୁଲବାଣୀ: ଏକ ବୁଲେଟରେ ଗଞ୍ଜେଇ ଚାଲାଣ ବେଳେ ଧରାପଡ଼ିଛି ଫୁଲବାଣୀ ଟାଉନଥାନା ପୁଲିସ୍ ହାତରେ। ଗତକାଲି ରାତିରେ ଟାଉନଥାନା ଏସ୍ଆଇ ଶାନ୍ତନୁ କୁମାର ପ୍ରଧାନଙ୍କ ନେତୃତ୍ୱରେ ପେଟ୍ରୋଲିଂ ଚାଲିଥିବା ବେଳେ ବିଳମ୍ବିତ ରାତିରେ ଏକ ବୁଲେଟ୍ ଗାଡ଼ି ଯାଉଥିବାରୁ ପୁଲିସ୍ ସନ୍ଦେହରେ ମାଦିକୁନ୍ଦାଛକ ନିକଟରେ ତନଖି କରିଥିଲା। ତନଖି ବେଳେ ବେଆଇନ ଭାବେ ୧୦ କେଜି ୮୦୦ ଗ୍ରାମ ଗଞ୍ଜେଇ ଚାଲାଣ ହେଉଥିବା ବେଳେ ପୁଲିସ୍ ଗଞ୍ଜେଇ ଜବତ କରିବା ସହିତ ବୁଲେଟ୍ ଗାଡ଼ିକୁ ଜବତ କରିଛି। ଏହି ଘଟଣାରେ ୨ ଜଣ ଗିରଫ ହୋଇଛନ୍ତି। ଗିରଫମାନେ ହେଲେ ନୟାଗଡ଼ ଜିଲାର ଫତେଗଡ଼ ଅଞ୍ଚଳର ସୁଭଶ୍ରୀ ରଂଜନ ସାହୁ ଓ ଭୁବନେଶ୍ୱର ଖଣ୍ଡଗିରି ଅଞ୍ଚଳର ଅଶୋକ ଗୌଡ଼ ବୋଲି ଥାନା ପକ୍ଷରୁ ସୂଚନା ଦିଆଯାଇଛି। ଏନେଇ କେସ ନଂ ୧୫୦ା୨୦ରେ ଏକ ମାମଲା ରୁଜୁକରି ଉଭୟଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ସୁଶାନ୍ତ କୁମାର ସେଠୀ ସୂଚନା ଦେଇଛନ୍ତି।
Comments are closed.