ଚୋରା ବନ୍ଧୁକ କାରବାରରେ ୨ ଗିରଫ

ଭୁବନେଶ୍ବର : ଢେଙ୍କାନାଳରେ ଚୋରା ବନ୍ଧୁକ କାରବାରରେ ୨ ଜଣଙ୍କୁ ଗିରଫ କରିଛି ପୁଲିସ। ହାତତିଆରି ଚୋରା ବନ୍ଧୁକ କାରବାର ହେଉଥିବା ଗୁଇନ୍ଦା ସୂତ୍ରରୁ ଖବର ପାଇ ଏସଟିଏଫ ଟିମ୍ ଚଢାଉ କରି ଭାପୁର ନିକଟରୁ ସେମାନଙ୍କୁ ଗିରଫ କରିଛି। ଗିରଫ ଦ୍ବୟ ହେଉଛନ୍ତି କଟକ ଜିଲାର ଖୁଣ୍ଟୁଣି ଥାନା ଅଞ୍ଚଳର କାଳନ୍ଦି ନାୟକ ଓ ଢେଙ୍କାନାଳ ସଦର ଥାନା ଅଞ୍ଚଳର ଶ୍ୟାମ ସୁନ୍ଦର ସିଠା। ସେମାନଙ୍କଠାରୁ ୯ଟି ଦେଶୀ ବନ୍ଧୁକ ସହ ଗୋଟିଏ ରିଭଲଭର ଜବତ କରାଯାଇଛି। ପୁଲିସ ମାମଲା ରୁଜୁ କରି ତଦନ୍ତ ଚଳାଇଛି। ୨୦୨୦ରୁ ଏଯାବତ ଏସଟିଏଫ୍‌ ଜବତ କଲାଣି ୫୬ଟି ଚୋରା ବନ୍ଧୁକ ସହ ୯୧ ରାଉଣ୍ଡ ଗୁଳି ।

ପ୍ରାରମ୍ଭିକ ତଦନ୍ତ ବେଳେ ଜଣାପଡ଼ିଛି ଯେ ଢେଙ୍କାନାଳ ଅଞ୍ଚଳରେ କେତେକ ଅପରାଧୀ ବନ୍ଧୁକ ତିଆରି ଓ ଚୋରା ଚାଲାଣରେ ଲିପ୍ତ ଅଛନ୍ତି । ସେମାନଙ୍କୁ ଧରିବାକୁ ଅଭିଯାନ ଆରମ୍ଭ ହୋଇଛି ବୋଲି ପୁଲିସ ପକ୍ଷରୁ ସୂଚନା ଦିଆଯାଇଛି ।

 

Comments
Loading...