MEllora 950×100

ବିଦ୍ୟୁତ ସବଷ୍ଟେସନ କର୍ମଚାରୀଙ୍କୁ ମାଡ ମାରି ଦୁଇ ଗିରଫ

ପାଟଣା: ପାଟଣା ବ୍ଲକରେ ବିଦ୍ୟୁତ ସବଷ୍ଟେସନ କର୍ମଚାରୀଙ୍କୁ ମାଡ ମାରି ଦୁଇ ଯୁବକ ଗିରଫ ହୋଇଥିବା ଜଣାପଡ଼ିଛି।

ପାଟଣା ବ୍ଲକ ଅନ୍ତର୍ଗତ ନିହ୍ନୁଆ ଗ୍ରାମରେ ବିଦ୍ୟୁତ୍ ତାର ଉପରେ ଗଛ ପଡିଥିବାରୁ ସବ ଷ୍ଟେସନରୁ ବିଦ୍ୟୁତ ସଂଯୋଗ ବିଛିନ୍ନ କରି କର୍ମଚାରୀ ଗଛ କାଟିବାକୁ ଯାଇଥିବା ବେଳେ ଦୁଇଜଣ ଯୁବକ ଗତକାଲି ସବ ଷ୍ଟେସନକୁ ଯାଇ ଉମେଶ କୁମାର ମହାନ୍ତ ନାମକ ଜଣେ କର୍ମଚାରୀଙ୍କୁ କାହିଁକି ମନଇଛା ଲାଇନ କାଟୁଛ କହି ମାଡ ମାରିଥିଲେ । ତୁରୁମୁଙ୍ଗା ୩୩/ ୧୧ ବିଦ୍ୟୁତ ସବ ଷ୍ଟେସନରେ ଏହି ଘଟଣା ଘଟିଥିବା ବେଳେ ଏ ନେଇ ତୁରୁମୁଙ୍ଗା ଥାନାରେ ଅଭିଯୋଗ ହୋଇଥିଲା । ଥାନାଧିକାରୀ ବୈଦ୍ୟନାଥ ସାହୁଙ୍କ ନିର୍ଦ୍ଦେଶ କ୍ରମେ ଆରକ୍ଷୀ ସହକାରୀ ଉପ ନିରୀକ୍ଷକ ଭରତ ଚନ୍ଦ୍ର ନାଏକ ବିଦ୍ୟୁତ କର୍ମଚାରୀଙ୍କୁ ମାଡ ମରା ଘଟଣାରେ ଦୁଇଜଣ ଯୁବକ ଝାରବେଡା ଗ୍ରାମରେ ରହୁଥିବା ସନ୍ତୋଷ ବାରିକଙ୍କ ପୁଅ ମାନସ ବାରିକ(୨୩) ଓ ମନୋଜ ପଣ୍ଡାଙ୍କ ପୁଅ ସୌମ୍ୟରଂଜନ ପଣ୍ଡାଙ୍କୁ ଆଜି ଗିରଫ କରିଛନ୍ତି । ଉଭୟଙ୍କର କରୋନା ପରୀକ୍ଷା ପରେ କୋର୍ଟ ଚାଲାଣ କରାଯିବ ବୋଲି ସୂଚନା ମିଳିଛି ।

Comments are closed.