ଗଞ୍ଜାମ : ଗଞ୍ଜାମ ବିଜ୍ଞପିତ ଅଞ୍ଚଳ ପରିଷଦ ଅନ୍ତର୍ଗତ ୪ ନମ୍ବରର ୱାର୍ଡ ରଘୁନାଥ ସାହିରେ ସ୍ୱାମୀର ଭଡା ଘର ଆଗରେ ବୁଧବାର ଦିନ ଜଣେ ମହିଳା ନିଜକୁ ପ୍ରଥମ ସ୍ତ୍ରୀ କହି ନିଜର ଅଧିକାର ପାଇଁ ଧାରଣାରେ ବସିଥିବା ଜଣାପଡିଛି । ଏଭଳି ଖବର ପ୍ରଚାର ହେବା ପରେ ସେଠାରେ ସହରର ଲୋକଙ୍କ ଭିଡ଼ ଦେଖିବାକୁ ମିଳିଥିଲା। ଯାହାକି ସହରରେ ଏବେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି। ପ୍ରକାଶ ଯୋଗ୍ୟ ଯେ, ରାୟଗଡା ଅଞ୍ଚଳର ଜଣେ ମହିଳା ସ୍ୱପ୍ନା ମହାପାତ୍ର ନିଜକୁ ପ୍ରଥମ ସ୍ତ୍ରୀ ଦାବୀ କରି ସ୍ୱାମୀଙ୍କ ଭଡା ଘର ସମୁଖରେ ବୁଧବାର ଧାରଣା ଦେଇଛନ୍ତି। ସେହି ମହିଳାଙ୍କ କହିବା କଥା ଅନୁଯାଇ ଗତ ୨୦୦୫ରେ ଆଶୁତୋଷ ମହାପାତ୍ର ନାମକ ଜଣେ ଯୁବକଙ୍କୁ ରାୟଗଡା ସ୍ଥିତ ଏକ ଜଗନ୍ନାଥ ମନ୍ଦିରରେ ବିବାହ କରିଥିଲେ। ବିବାହ ପରେ ଦୁହେଁ କିଛି ଦିନ ଏକାଠି ରହିବା ପରେ ଆଶୁତୋଷ ତାଙ୍କୁ ଛାଡି ପଳାଇ ଥିଲେ। ପରବର୍ତୀ ସମୟରେ ଆଶୁତୋଷ ତାଙ୍କୁ ନ ଜଣାଇ ୨୦୦୬ରେ ଅନ୍ୟ ଜଣେ ଓଡିଆ ଝିଅକୁ ବିବାହ କରିଥିବା କଥା ୨୦୧୦ରେ ଜାଣିବାକୁ ପାଇ ଥିଲେ ବୋଲି ଧାରଣା ବସିଥିବା ମହିଳା କହିଛନ୍ତି । ପରେ ସେ ଏହି ଘଟଣାକୁ ନେଇ ରାୟଗଡା ଥାନାରେ ମୌଖିକ ଭାବେ ଅଭିଯୋଗ କରିଥିଲେ। ଏହାକୁ ନେଇ ସେତେବେଳେ ଥାନାରେ ଏକ ସମାଧାନ ଲିଖିତ ଚୁକ୍ତିନାମା ଉଭୟଙ୍କୁ ନେଇ ହୋଇଥିଲା । ସେହି ଚୁକ୍ତିନାମାରେ ଉଭୟ ସ୍ଵାକ୍ଷର କରି ତାଙ୍କ ସ୍ୱାମୀ ପୁଣି ୨ୟ ସ୍ତ୍ରୀ ନିକଟକୁ ଚାଲି ଯାଇଥିଲେ ବୋଲି ମହିଳା ଜଣଙ୍କ ଅଭିଯୋଗ କରିଛନ୍ତି। ପରେ ପୁଣି ୨୦୧୮ ଅକ୍ଟୋବର ମାସରେ ରେ ତାଙ୍କ ସ୍ୱାମୀ ରାୟଗଡା ଆସି ତାଙ୍କୁ ଚମାଖଣ୍ଡିରେ ଘର ଭଡା ନେଇ ପୁଣି ଦୁଇଜଣ ଏକାଠି ମିଶିକି ରହିଲେ। ହଠାତ ସେଠାରେ ତାଙ୍କୁ କେହି ହଇରାଣ କରିବାରୁ ସେ ବୁଧବାର ଆଶୁତୋଷ ରହୁଥିବା ଭଡା ଘର ଆଗରେ ଧାରଣା ରେ ବସିଛନ୍ତି। ବର୍ତମାନ ସ୍ୱାମୀ ଆମ ଦୁଇ ଜଣଙ୍କୁ ରଖିବାକୁ ମହିଳା ଜଣଙ୍କ ଗଣମାଧ୍ୟମକୁ କହିଛନ୍ତି । ଏହି ଘଟଣା ଦେଖି ଭଡା ଘରେ ରହୁଥିବା ଦ୍ୱିତୀୟ ସ୍ତ୍ରୀ ଘରେ ତାଲା ପକାଇ ଚାଲି ଯାଇଥିବା ଜଣାପଡିଛି। ଆଶୁତୋଷ ସ୍ଥାନୀୟ ଗ୍ରାସିମ କମ୍ପାନୀରେରେ ଠିକା ଶ୍ରମିକ ଭାବେ କାର୍ଯ୍ୟରତ ଥିବା ଜଣା ପଡିଛି।
Comments are closed.