ନବରଙ୍ଗପୁର : ନବରଙ୍ଗପୁର ଜିଲ୍ଲାରେ ସ୍ଥିତିକୁ ଦେଖି ବର୍ତ୍ତମାନ ଅଧିକରୁ ଅଧିକ ସଂଖ୍ୟାରେ ଲୋକଙ୍କ ସ୍ୱାବ ପରୀକ୍ଷା କରାଯାଉଥିବା ବେଳେ ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଡ଼ିଚାଲିଛି ତେଣୁ ପ୍ରଶାସନ ପକ୍ଷରୁ ଶନିବାର ଏବଂ ରବିବାର ଦିନ ନବରଙ୍ଗପୁର ଜିଲ୍ଲାକୁ ସଂପୂର୍ଣ୍ଣ ସଟଡାଉନ ଘୋଷଣା କରାଯାଇଛି।
ଗତ ଦୁଇ ଦିନରେ ନବରଙ୍ଗପୁରରେ ସର୍ବାଧିକ ୩୦ ଜଣ କରୋନା ଆକ୍ରାନ୍ତ ଚି଼ହ୍ନଟ ହେବା ପରେ ପ୍ରଶାସନ ପାଇଁ ମୁଣ୍ଡ ବ୍ୟଥାର କାରଣ ପାଲଟିଛି। ସେଥିପାଇଁ ଜିଲ୍ଲାପ୍ରଶାସନ ଆସନ୍ତା ୧ ତାରିଖ ଶନିବାର ସକାଳ ୫ ଘଣ୍ଟ ଠାରୁ ୨ ତାରିଖ ରାତି ପର୍ଯ୍ୟନ୍ତ ୨ ଦିନ ଧରି ସମ୍ପୂର୍ଣ ନବରଙ୍ଗପୁର ଜିଲ୍ଲାକୁ ସଟଡାଉନ ଘୋଷଣା କରିଛନ୍ତି। ଏପରି ସ୍ଥଳେ ଜରୁରୀ ସରକାରୀ କାର୍ଯ୍ୟାଳୟ ଏବଂ ଜରୁରୀ ସେବାକୁ ଛାଡି ଅନ୍ୟ ଅନ୍ୟ ସବୁ ବନ୍ଦ ରହିବ। ଏହି ସମୟରେ ଘରୁ ନ ବାହାରି ଜିଲ୍ଲାପ୍ରଶାସନକୁ ସମ୍ପୂର୍ଣ ସହଯୋଗ କରିବା ପାଇଁ ଜିଲ୍ଲାପାଳ ଡ଼ଃ ଅଜିତ କୁମାର ମିଶ୍ର ଜିଲ୍ଲାର ଜନସାଧାରଣଙ୍କୁ ନିବେଦନ କରିଛନ୍ତି।