ନୂଆଦିଲ୍ଲୀ : କୋଭିଡ ଟିକାକରଣ କ୍ଷେତ୍ରରେ ଭାରତ ଆଉ ଏକ ଉଲ୍ଲେଖନୀୟ ସଫଳତା ହାସଲ କରିଛି । ୧୫୦ କୋଟି ପାନ ଟିକାଦାନ କରି ଭାରତ ଏହି କିର୍ତ୍ତିମାନ ସ୍ଥାପନ କରିଛି । ଶୁକ୍ରବାର ଦିନ ୨ଟା ସୁଦ୍ଧା ଦେଶରେ ୧୫୦ କୋଟିରୁ ଅଧିକ ପାନ ଟିକାଦାନ କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏଥିପାଇଁ ଦେଶବାସୀଙ୍କୁ ଅଭିନନ୍ଦନ ଜଣାଇଛନ୍ତି । ନୂତନ ବର୍ଷର ପ୍ରଥମ ସପ୍ତାହ ତଥା ପ୍ରଥମ ମାସରେ ଦେଶ ଏହି ସଫଳତା ହାସଲ କରିଛି । ଏହା ଦେଶବାସୀଙ୍କର ସାମର୍ଥ୍ୟର ପ୍ରତୀକ ବୋଲି ପ୍ରଧାନମନ୍ତ୍ରୀ କହିଛନ୍ତି।
आज साल के पहले महीने के पहले हफ्ते में ही, भारत 150 करोड़- 1.5 बिलियन वैक्सीन डोजेज़ का ऐतिहासिक मुकाम भी हासिल कर रहा है, 150 करोड़ वैक्सीन डोज वो भी एक साल से कम समय में।
भारत के लिए ये 130 करोड़ देशवासियों के सामर्थ्य का प्रतीक है : PM @NarendraModi जी#SamarthyaKe150crore pic.twitter.com/dynE0dVBWA
— Dr Mansukh Mandaviya (@mansukhmandviya) January 7, 2022
ଏପର୍ଯ୍ୟନ୍ତ ଦେଶରେ ୧୫୦ କୋଟି ୧୭ ଲକ୍ଷ ୨୩ ହଜାର ପାନରୁ ଅଧିକ ଟିକା ଦିଆଯାଇଛି । ୮୭ କୋଟି ୭୩ ଲକ୍ଷ ୧୪ ହଜାରରୁ ଅଧିକ ପ୍ରଥମ ପାନ ଟିକା ଦିଆଯାଇଥିବା ବେଳେ ୬୨ କୋଟି ୪୪ ଲକ୍ଷ ୮ ହଜାରୁ ଅଧିକ ଦ୍ବିତୀୟ ପାନ ଟିକା ଦିଆଯାଇଛି । କେବଳ ଆଜି ଅପରାହ୍ନ ସୁଦ୍ଧା ଗୋଟିଏ ଦିନରେ ୪୬ ଲକ୍ଷ ପାନରୁ ଅଧିକ ଟିକା ଦିଆଯାଇଛି।
ଅନ୍ୟପକ୍ଷରେ ରାଜ୍ୟରେ ଏପର୍ଯ୍ୟନ୍ତ ୫ କୋଟି ୧୮ ଲକ୍ଷ ୨୦ ହଜାର ପାନରୁ ଅଧିକ ଟିକା ଦିଆଯାଇଛି।
Comments are closed.