ଗୁରୁଡିଝାଟିଆ : ପ୍ରଭୁ ଧବଳେଶ୍ୱରଙ୍କ ଅନ୍ୟତମ ପର୍ବ ମକର। ରାଜ୍ୟର ବିଭିନ୍ନ ପ୍ରାନ୍ତରୁ ଶ୍ରଦ୍ଧାଳୁମାନେ ଆସି ପ୍ରଭୁଙ୍କୁ ଦର୍ଶନ କରିବା ସହିତ ପୀଠ ଚତୁପାଶ୍ୱର୍ରେ ପ୍ରଭୁ ଚନ୍ଦ୍ରଶେଖରଙ୍କୁ ବିମାନରେ ପ୍ରଦକ୍ଷିଣ କରାଯାଇଥାଏ । ଚଳିତବର୍ଷ କୋଭିଡ କଟକଣା ଦୃଷ୍ଟିରୁ ଶୁକ୍ରବାର ମକର ସଂକ୍ରାନ୍ତିରେ ପୀଠକୁ ଶ୍ରଦ୍ଧାଳୁମାନେ ନଆସିବା ପାଇଁ ୧୪୪ ଧାରା ଜାରିକରାଯାଇଛି । ଆଠଗଡ କାର୍ଯ୍ୟନିର୍ବାହୀ ମାଜିଷ୍ଟ୍ରେିଟ ପ୍ରଜ୍ଞାପରମିତା ପୃଷ୍ଟି ଗୁରୁଡିଝାଟିଆ ଥାନା ଅଧିକାରୀଙ୍କୁ ୧୪୪ଧାରା ସଂପର୍କରେ ଅବଗତ କରାଇବା ସହ ଏହାକୁ ଠିକଣା ଢଙ୍ଗରେ କାର୍ଯ୍ୟକାରୀ କରିବା ନିମନ୍ତେ ନିର୍ଦ୍ଦେଶ ଦେଇଛନ୍ତି। ପୀଠରେ ଅହେତୁକ ଶ୍ରଦ୍ଧାଳୁ ସମାଗମ ହେବାକୁ ଥିବାରୁ କରୋନା ନିୟମର ଉଲ୍ଲଘଂନ ହେବ । ଗହଳି ହେଲେ କରୋନା ବୃଦ୍ଧି ପାଇବ। ସେଥିପାଇଁ କାର୍ଯ୍ୟନିର୍ବାହୀ ମାଜିଷ୍ଟ୍ରେଟ ଶ୍ରୀମତୀ ପୃଷ୍ଟି ପୀଠ ପରିସର, ଝୁଲାପୋଲ, ସାଇକେଲ ଷ୍ଟାଣ୍ଡ, ଧବଳେଶ୍ୱର ପୋଲିସ ସହାୟତା କେନ୍ଦ୍ର ଆଦି ସ୍ଥାନମାନଙ୍କରେ ୧୪୪ଧାରା ଜାରି କରିଛନ୍ତି । ଶ୍ରଦ୍ଧାଳୁମାନେ ୧୪୪ଧାରାକୁ ସମ୍ମାନ ଜଣାଇ ଆସନ୍ତାକାଲି ମକର ସଂକ୍ରାନ୍ତିରେ ପୀଠକୁ ନଆସିବା ପାଇଁ ବାରଣ କରିଛନ୍ତି ।
Comments are closed.