କଣିହାଁ: ଅନଗୁଳ ଜିଲା କଣିହାଁ ବ୍ଲକ ଅନ୍ତର୍ଗତ ସୁଲେଇପାଳ ଗ୍ରାମରେ ବୁଧବାର ଅପରାହ୍ନ ସମୟରେ ବଜ୍ରପାତ ହେବା ଫଳରେ ୧୩ଗୋରୁଙ୍କ ମୃତ୍ୟୁ ହୋଇଛି । ପ୍ରବଳ ବର୍ଷା ଯୋଗୁଁ ଗ୍ରାମର ଆମ୍ବତୋଟାରେ ଗ୍ରାମର ପ୍ରାୟ ୬ଶହ ଗୋରୁ ଆଶ୍ରୟ ନେଇଥିଲେ। ଅପରାହ୍ନ ସମୟରେ ବଜ୍ରପାତ ହେବାଯୋଗୁ ଏକ ଆମ୍ବଗଛ ମୂଳରେ ଆଶ୍ରୟ ନେଇଥିବା ୧୩ ଗୋରୁଙ୍କ ଶୋଚନୀୟ ମୃତ୍ୟୁ ହୋଇଛି। ଗ୍ରାମର ସୁଧାକର ସକ୍ଷମଲ, ଜଗବନ୍ଧୁ ସକ୍ଷମଲ, ପଟାୟତ ସାମଲ, ପ୍ରମୋଦ ବିଶି, ଈଶ୍ୱର ବିଶି, ନିର୍ମଳ ସାମଲ, ପଞ୍ଚାନନ ସାମଲ, ବିପିନି ସାମଲ, ବିଜନ ରାଉଳ, ଶରତ ଗଡନାୟକଙ୍କ ଗୋରୁ ମୃତ୍ୟୁ ହୋଇଛି। ମୃତ ୧୩ ଗୋରୁ ମଧ୍ୟରେ ୭ଟି ଗାଈ, ୪ଟି ବଳଦ ଓ ୨ଟି ଛଡା ଥିବା ଜଣାଯାଇଛି। ତୁରନ୍ତ କ୍ଷତିଗ୍ରସ୍ତ ପରିବାରକୁ କ୍ଷତିପୂରଣ ପ୍ରଦାନ କରିବା ପାଇଁ ଗ୍ରାମବାସୀ ପକ୍ଷରୁ ଦାବି ହୋଇଛି। ତେବେ ଗାଈ ଚରାଳୀ ଅଳ୍ପକେ ରକ୍ଷା ପାଇଯାଇଥିବା ଜଣାଯାଇଛି।
Comments are closed.