ସୁକତେଲ ନଦୀରୁ ମିଳିଲା ବିରଳ ଶିଳାଲେଖ ଓ ପ୍ରସ୍ତର ଖଣ୍ଡ

ଫାସଡ:ବଲାଙ୍ଗିର ଜିଲା ଲୋଇସିଂହା ଥାନାର ଗୋପାଳପୁର-ଛେଲବାହାଲ ଗାଁ ସୁକତେଲ ନଦୀରେ ବିରଳ ପ୍ରସ୍ତର ଖଣ୍ଡ ଉଦ୍ଧାର କରାଯାଇଛି। ଏହି ଶିଳାଲେଖ କେଉଁଠୁ ଆସିଲା ତାହା ଜାଣିବାକୁ ସ୍ଥାନୀୟ ଲୋକଙ୍କ ମଧ୍ୟରେ ଉତ୍କୁକତା ପ୍ରକାଶ ପାଇଛି। ତେବେ ପ୍ରତ୍ନତତ୍ତ୍ୱ ବିଭାଗ ଏହାର ଯାଞ୍ଚ କଲେ ପ୍ରକୃତରେ ଏହା କେଉଁ ସମୟର ଓ ସେହି ପ୍ରସ୍ତର ଖଣ୍ଡରେ କ’ଣ ଉଲ୍ଲେଖ ରହିଛି ତାହା ଜାଣିହେବ ବୋଲି ସ୍ଥାନୀୟ ଲୋକେ କହିଛନ୍ତି। ସୁକତେଲ ନଦୀର ଦକ୍ଷିଣ ପାର୍ଶ୍ବରେ ବିରଳ ପ୍ରସ୍ତର ସହ ପ୍ରାଚୀନ ଶିଳାଲେଖ ମିଳିଛି। ପୂର୍ବରୁ ସେଠାରେ ଶୈବ କିମ୍ବା ଶକ୍ତି ପୀଠ ରହିଥାଇପାରେ ଏବଂ ପରବର୍ତ୍ତି ସମୟରେ ନଦୀ ଗର୍ଭରେ ପୋତି ହୋଇ ବିଲିନ ହୋଇ ଯାଇଥିବା ଆଲୋଚନା ହେଉଛି।

ସୁକତେଲ ନଦୀର ଦକ୍ଷିଣ ପାର୍ଶ୍ବରେ ବାଲି ଖୋଳିବା ପାଇଁ ଜେସିବି ନିୟୋଜିତ କରାଯାଇଥିଲା। ଜେସିବି ବାଲି ଖୋଳୁଥିବା ବେଳେ ଏହି ପ୍ରସ୍ତର ଖଣ୍ଡ ଦେଖିବାକୁ ମିଳିଥିଲା। ଏହାପରେ ସ୍ଥାନୀୟ ଲୋକେ ଖବର ପାଇ ସେଠାରେ ପହଞ୍ଚିଥିଲେ। ପ୍ରସ୍ତର ଖଣ୍ଡରେ ସୁକ୍ଷ୍ମ କାରିଗରି ରହିଥିବା ବେଳେ ରାଣୀପୁର ଝରିଆଲ, ଲିଙ୍ଗରାଜ ମନ୍ଦିରରେ ଥିବା ଶିଳାଖଣ୍ଡ ଭଳି ଦୃଶ୍ୟମାନ ହେଉଛି।
ପୁରାତନ କାଳରେ ଏଠାରେ ଏକ ମନ୍ଦିର ରହିଥିଲା ଏବଂ ତାହା ପରବର୍ତ୍ତୀ ସମୟରେ ନିଶ୍ଚିହ୍ନ ହୋଇଯାଇଥିବା ଅନୁମାନ କରାଯାଉଛି। ଛେଲବାହାଲ ଗାଁର ଶିବାନନ୍ଦ କର୍ମୀ, ଗୋପାଳପୁର ଗାଁର ହୃଷିକେଶ ଛୁରିଆ, ନୀଳମଣି ଗଡତ୍ୟା ପ୍ରମୁଖ ଏନେଇ ପ୍ରତ୍ନତ୍ତ୍ୱ ବିଭାଗକୁ ଟୁଇଟ୍ କରି ଜଣାଇ ଦିଆଯାଇଛି। ପ୍ରତ୍ନତତ୍ତ୍ୱ ବିଭାଗ ଏହାର ଯାଞ୍ଚ କଲେ ସବିଶେଷ ତଥ୍ୟ ଜାଣିହେବ ବୋଲି ମତପ୍ରକାଶ ପାଇଛି।

Comments
Loading...