ଆଜି ବିଜେପିର ୧୨ଘଣ୍ଟିଆ କଟକ ବନ୍ଦ

ଦେବୀ ମା’ଙ୍କ ମୂର୍ତ୍ତି ଉଚ୍ଚତା ବିବାଦ

କଟକ : ଦେବୀ ମା’ଙ୍କ ମୂର୍ତ୍ତି ଉଚ୍ଚତା ବଢ଼ାଇବା, ପରଦା ଢାଙ୍କି ପୂଜା ନ କରିବା ସହିତ ଭକ୍ତଙ୍କୁ ମା’ ଦର୍ଶନ କରିବାକୁ ଅନୁମତି ଦେବା ଦାବିକରି ବିଜେପି ପକ୍ଷରୁ ଆସନ୍ତାକାଲି ୧୨ଘଣ୍ଟିଆ କଟକ ବନ୍ଦ ଡାକରା ଦିଆଯାଇଛି । ସକାଳ ୬ଟାଠାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ସହରର ସମସ୍ତ ବ୍ୟବସାୟ ପ୍ରତିଷ୍ଠାନ ସମେତ ଶିକ୍ଷାନୁଷ୍ଠାନ ବନ୍ଦ ରଖିବାକୁ ବିଜେପି ପକ୍ଷରୁ ସହରବାସୀଙ୍କୁ ନିବେଦନ କରାଯାଇଛି। ବନ୍ଦରୁ ସମସ୍ତ ଜରୁରୀ ସେବାକୁ ବାଦ ଦିଆଯାଇଛି। ଦଶହରା କଟକ ଭାଇଚାରାର ନିଦର୍ଶନ। ପାର୍ବଣରେ କୌଣସି କଟକଣା ଜାରି କରାନଯାଉ । ପୂର୍ବପରି ମା’ଙ୍କ ମୂର୍ତ୍ତି ଉଚ୍ଚତାରେ କୌଣସି କଟକଣା କରାନଯାଉ। ସରକାର କରୋନା ଆଳରେ ଜାରି କରିଥିବା କଟକଣା ପ୍ରତ୍ୟାହାର କରିବାକୁ ବିଜେପି ପକ୍ଷରୁ ଦାବି କରାଯାଇଛି। ବନ୍ଦକୁ ସମର୍ଥନ ଜଣାଇବା ପାଇଁ ରବିବାର ସନ୍ଧ୍ୟାରେ ବିଜେପି ପକ୍ଷରୁ ଏକ ମଶାଲ ଶୋଭାଯାତ୍ରା ସହର ପରିକ୍ରମା କରିଥିଲା। ଏଥିରେ ଶତାଧିକ ବ୍ୟକ୍ତି ସାମିଲ ହୋଇଥିଲେ। ଆସନ୍ତାକାଲି ବନ୍ଦକୁ ସମର୍ଥନ ଜଣାଇବା ପାଇଁ ବ୍ୟବସାୟ ପ୍ରତିଷ୍ଠାନ ବନ୍ଦ ରଖିବାକୁ ବିଜେପିର ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ସମୀର ଦେ ସହରବାସୀଙ୍କୁ ନିବେଦନ କରିଛନ୍ତି।

Comments
Loading...