ଓଡ଼ିଶାରେ ଦିନକରେ ୧୧୪୯୮ ନୂଆ ସଂକ୍ରମିତ: ଖୋର୍ଦ୍ଧା ୧୪୯୭ ଓ କଟକରେ ୧୧୦୭ ଚିହ୍ନଟ

ଭୁବନେଶ୍ୱର: ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ୧୧୪୯୮ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ସେଥିମଧ୍ୟରେ ଖୋର୍ଦ୍ଧାରୁ ସର୍ବାଧିକ ୧୪୯୭ ଏବଂ କଟକ ଜିଲାରୁ ୧୧୦୭ ଜଣ ନୂଆ ସଂକ୍ରମିତଙ୍କୁ ଚିହ୍ନଟ କରାଯାଇଛି। ତାଲାବନ୍ଦ କଟକଣାର ପ୍ରଥମ ପର୍ଯ୍ୟାୟ ଶେଷହୋଇ ଆଜିଠାରୁ ଦ୍ୱିତୀୟ ପର୍ଯ୍ୟାୟ ଆରମ୍ଭ ହୋଇଥିଲେ ମଧ୍ୟ ଦୈନିକ ସଂକ୍ରମଣ ସଂଖ୍ୟା ୧୧ହଜାର ଉପରେ ରହୁଛି। ବିଶେଷକରି ଖୋର୍ଦ୍ଧା ଏବଂ କଟକ ଜିଲା ଏବେ କରୋନା ସଂକ୍ରମଣର ହଟ୍‍ ସ୍ପଟ ପାଲଟିଛି। ଏହି ଦୁଇ ଜିଲାରେ ପ୍ରତିଦିନ ଚିହ୍ନଟ ହେଉଥିବା କରୋନା ଆକ୍ରାନ୍ତଙ୍କ ସଂଖ୍ୟା ହୁଏତ ସ୍ଥିର ରହୁଛି, ଅଥବା ବୃଦ୍ଧପାଉଛି।
ଗୋଟିଏ ଦିନରେ ରାଜ୍ୟରୁ ଚିହ୍ନଟ ହୋଇଥିବା ନୂଆ ସଂକ୍ରମିତଙ୍କ ମଧ୍ୟରୁ ସଂଗରୋଧରୁ ୬୪୩୯ ଓ ସ୍ଥାନୀୟ ସଂକ୍ରମିତ ୫୦୫୯ ଜଣ ରହିଛନ୍ତି। ସେହିଭଳି ଏହି ସମୟରେ ଅନୁଗୁଳରୁ ୮୬୭, ବାଲେଶ୍ୱର ୫୨୪, ବରଗଡା ୩୯୫, ଭଦ୍ରକ ୧୩୪, ବଲାଙ୍ଗୀର ୨୯୪, ବଉଦ ୩୧୩, ଦେବଗଡ ୧୧୪, ଢେଙ୍କାନାଳ ୨୫୧ ଏବଂ ଗଜପତିରୁ ୮୬ ଜଣ ଚିହ୍ନଟ ହୋଇଛନ୍ତି। ଅନୁରୂପ ଭାବେ ଗଞ୍ଜାମ ୨୨୮, ଜଗତସିଂହପୁର ୩୨୫, ଯାଜପୁର ୩୭୮, ଝାରସୁଗୁଡା ୨୪୭, କଳାହାଣ୍ଡି ୨୦୫, କନ୍ଧମାଳ ୧୦୧, କେନ୍ଦ୍ରାପଡା ୨୦୪, କେନ୍ଦୁଝର ୧୯୩ ଏବଂ କୋରାପୁଟରେ ୨୬୬ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି। ଏଥିସହିତ ମାଲକାନଗିରିରୁ ୧୧୦, ମୟୁରଭଞ୍ଜ ୫୩୮, ନବରଙ୍ଗପୁର ୩୪୬, ନୟାଗଡ ୩୮୨, ନୂଆପଡା ୧୫୨, ପୁରୀ ୪୨୪, ରାୟଗଡା ୨୩୩, ସମ୍ବଲପୁର ୩୯୩, ସୁନ୍ଦରଗଡ ୭୦୩ ଓ ଷ୍ଟେଟପୁଲରୁ ୨୬୧ ଜଣ ଚିହ୍ନଟ ହୋଇଛନ୍ତି।
ରାଜ୍ୟରେ ମୋଟ ୧୧୧୧୮୯୮୪ ନମୁନା ପରୀକ୍ଷା କରାଯାଇଥିବାବେଳେ ୬୫୫୮୯୯ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୫୪୬୬୩୧ ଆରୋଗ୍ୟଲାଭ କରିସାରିଛନ୍ତି ଏବଂ ସଂପ୍ରତି ରାଜ୍ୟରେ ୧୦୬୮୧୨ ଜଣ ସକ୍ରିୟ ସଂକ୍ରମିତ ରହିଛନ୍ତି।

Comments
Loading...