କାଶ୍ମୀର : ଦକ୍ଷିଣ କାଶ୍ମୀର ସୋପିଆନା ଜିଲାର ମୁଗଲ ରୋଡ଼ କଡ଼ ଏକ ଗଭୀର ଖାଇରେ ଗୁରୁବାର ପୂର୍ବାହ୍ଣରେ ଛାତ୍ରଙ୍କୁ ନେଇ ଯାଉଥିବା ଏକ ଟେମ୍ପୋ ଖସିପଡ଼ିଛି। ଏଥିରେ ୯ ଛାତ୍ରୀଙ୍କ ସମେତ ୧୧ ଜଣଙ୍କ ମୃତ୍ୟୁ ଘଟିଛି ଓ ୭ ଜଣ ଆହତ ହୋଇଛନ୍ତି।
Related Posts
ସୂଚନା ଅନୁସାରେ ସାମ୍ନାରୁ ଆସୁଥିବା ଏକ ସ୍କୁଟି ଆରୋହୀଙ୍କୁ ବଞ୍ଚାଇବା ପାଇଁ ଛାତ୍ରଙ୍କୁ ନେଇ ଯାଉଥିବା ଟେମ୍ପୋଟି ଭାରସାମ୍ୟ ହରାଇ ଖାଇକୁ ଖସିପଡ଼ିଥିଲା। ଅଘଟଣ ପରେ ସ୍ଥାନୀୟ ଲୋକ ଓ ପୁଲିସ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ଖାଇରୁ ୧୧ଟି ମୃତଦେହ ଉଦ୍ଧାର କରାଯାଇଛି। ଆହତଙ୍କୁ ଜିଲା ହସ୍ପିଟାଲରେ ଭର୍ତ୍ତି କରାଯାଇଛି। କେତେକଙ୍କ ଅବସ୍ଥା ଗୁରୁତର ଥିବାରୁ ଆଗକୁ ମୃତକଙ୍କ ସଂଖ୍ୟା ବୃଦ୍ଧି ପାଇବାର ଆଶଙ୍କା ରହିଛି। ମୃତକମାନେସୁର୍ନାକୋଟେସ୍ଥିତ ଏକ କମ୍ପ୍ୟୁଟର କେନ୍ଦ୍ରର ଛାତ୍ରଛାତ୍ରୀ ଥିଲେ ।
Comments are closed.