ନୂଆଦିଲ୍ଲୀ : ସୁପରଷ୍ଟାର ରଜନୀକାନ୍ତ ଏବଂ ଅକ୍ଷୟ କୁମାର ଅଭିନୀତ ଚଳଚ୍ଚିତ୍ର ୨.୦ରିଲିଜ ହେବା ପରଠାରୁୂ ବକ୍ସ ଅଫିସରେ ଭଲ ବ୍ୟବସାୟ କରିଆସିଛି। ଚଳଚ୍ଚିତ୍ରଟି ରିଲିଜ ହେବା ମାତ୍ରେ ଦର୍ଶକ ମାନେ ଏହାକୁ ବେଶ୍ ପସନ୍ଦ କରିଥିଲେ। ଏହି ଚଳଚ୍ଚିତ୍ରଟି ମାତ୍ର ୬ଦିନରେ ବାହୁବଲି-ଦ ବିଗିନିଙ୍ଗ ସିନେମାକୁ ପଛରେ ପକାଇଛି। ଟ୍ରେଡ ଆନାଲିଷ୍ଟ ତରଣ ଆଦର୍ଶଙ୍କ ଟ୍ୱିଟ ଅନୁସାରେ, ଚଳଚ୍ଚିତ୍ରର ହିନ୍ଦି ଭର୍ସନ ୬ଦିନରେ ୧୨୨.୫୦କୋଟି ଟଙ୍କାର ବ୍ୟବସାୟ କରିସାରିଛି। ଚଳଚ୍ଚିତ୍ରଟି ରିଲିଜ ହେବାର ପ୍ରଥମ ଦିନ ଗୁରୁବାର ୨୦କୋଟି ୨୫ଲକ୍ଷ ଟଙ୍କା ବ୍ୟବସାୟ କରିଥିଲା ସେହିଭଳି ଦ୍ୱିତୀୟ ଦିନ ଶୁକ୍ରବାର ୧୮କୋଟି, ଶନିବାର ୨୫କୋଟି, ରବିବାର ୩୪କୋଟି, ସୋମବାର ୧୩.୭୫କୋଟି, ମଙ୍ଗଳବାର ୧୧.୫୦କୋଟି ଟଙ୍କାର ବ୍ୟବସାୟ କରିଛି। ତେବେ ଅନ୍ୟ ଭର୍ସନକୁ ମିଶାଇଲେ ଏହି ଚଳଚ୍ଚିତ୍ର ପ୍ରଥମ ଦିନରେ ୧୦୦କୋଟି ଆୟ କରି ସାରିଛି। ବାହୁବଲି-ଦ ବିଗିନିଙ୍ଗର ହିନ୍ଦି ଭର୍ସନର ଲାଇଫଷ୍ଟାଇଲ କଲେକ୍ସନ୍ ୧୧୭କୋଟି ଥିଲା। ସିନେମା ୨.୦ରିଲିଜ ହେବାର ୬ଦିନରେ ଏହି ରେକର୍ଡକୁ ଭାଙ୍ଗିସାରିଛି। ଏହା ଭାରତର ସବୁଠାରୁ ଅଧିକ ବ୍ୟୟବହୁଳ ଚଳଚ୍ଚିତ୍ର। ଏହାର ବଜେଟ୍ ପ୍ରାୟ ୬୦୦କୋଟି ରହିଛି। ଏଥିସହିତ ଚଳଚ୍ଚିତ୍ରକୁ ତାମିଲ, ତେଲୁଗୁ ଓ ହିନ୍ଦୀ ଭାଷାରେ ମୁକ୍ତିଲାଭ କରାଯାଇଛି। ଏହି ଚଳଚ୍ଚିତ୍ରରେ ରଜନୀକାନ୍ତ, ଅକ୍ଷୟ କୁମାରଙ୍କ ବ୍ୟତୀତ ଏମୀ ଜ୍ୟାକ୍ସନଙ୍କୁ ମଧ୍ୟ ମୁଖ୍ୟ ଭୂମିକାରେ ଦେଖିବାକୁ ମିଳିଛି।