ଏଫଆଇଏଚ୍ ମାନ୍ୟତାର ତୃତୀୟ ସ୍ଥାନରେ ଥିବା ଅଲିମ୍ପିକ୍ ରନର୍ସଅପ ବେଲଜିୟମ ପ୍ରଥମ ଥର ପାଇଁ ହକି ବିଶ୍ୱକପ ଟାଇଟଲ ହାସଲ କରିଛି। ରବିବାର ଖେଳାଯାଇଥିବା ଫାଇନାଲ ମ୍ୟାଚରେ ନେଦରଲାଣ୍ଡସ୍କୁ ପରାସ୍ତ କରି ଐତିହାସିକ ସଫଳତା ହାସଲ କରିଛି। ଏହି ସଫଳତା ପରେ ବେଲଜିୟମ ଖୁସିରେ ବିଭୋର ହୋଇଯାଇଥିଲା। ଗୀତ ଆଉ ନାଚରେ ଜମି୍ଥିଲେ ଖେଳାଳି। ଥୋମାସ ବ୍ରିଏଲ୍ସଙ୍କ ନେତୃତ୍ୱ ଓ ସେନ୍ ମ୍ୟାକଲଏଡ୍ଙ୍କ ପ୍ରଶିକ୍ଷଣପ୍ରାପ୍ତ ବେଲଜିୟମ ଡାକହର୍ସର ମାନ୍ୟତା ପାଇଥିଲା। ଦଳ ପୁଲ -ସି ରେ ସ୍ଥାନ ପାଇଥିବା ବେଲଜିୟମ ଭାରତ ସହିତ ୨-୨ ଗୋଲ ବରାବର ରଖିଥିବାବେଳେ କାନାଡ଼ାକୁ ୨-୧ ଗୋଲ, ଦକ୍ଷିଣଆଫ୍ରିକାକୁ ୫-୧ ଗୋଲରେ ପରାସ୍ତ କରି କ୍ରସ ଓଭରକୁ ଉନ୍ନୀତ ହୋଇଥିଲା। କ୍ରସ ଓଭରରେ ଦଳ ପାକିସ୍ତାନକୁ ୫-୦ ଗୋଲରେ ପରାସ୍ତ କରି କ୍ୱାର୍ଟର ଫାଇନାଲକୁ ଉନ୍ନୀତ ହୋଇଥିଲା। କ୍ୱାଟର ଫାଇନାଲରେ ଜର୍ମାନୀକୁ ୨-୧ ଗୋଲରେ ପରାସ୍ତ କରି ପ୍ରଥମ ଥର ପାଇଁ ସେମିଫାଇନାଲ ଖେଳିଥିଲା। ଆଲେକଜାଣ୍ଡାର ହେଣ୍ଡ୍ରକସ୍ ୭ଟି ଗୋଲ ଦେଇଥିଲେ। ଦଳ ପୂର୍ବରୁ ୧୯୭୩ରେ ୮ମ, ୧୯୭୮ରେ ୧୪ତମ, ୧୯୯୪ରେ ୧୧ତମ ଓ ୨୦୦୨ରେ ୧୪ତମ ସ୍ଥାନ ହାସଲ କରିଥିଲା।
ବେଲଜିୟମ ଯାତ୍ରା : ପୁଲ-ସି : ବେଲଜିୟମ -୨ କାନାଡ଼ା -୧
ବେଲଜିୟମ -୨ଭାରତ -୨
ବେଲଜିୟମ -୫ ଦକ୍ଷିଣଆଫ୍ରିକା-୧
କ୍ରସ ଓଭର : ବେଲଜିୟମ -୫ ପାକିସ୍ତାନ-୦
କ୍ୱାର୍ଟର ଫାଇନାଲ : ବେଲଜିୟମ ୨- ଜର୍ମାନୀ-୧
ସେମିଫାଇନାଲ : ବେଲଜିୟମ -୬, ଇଂଲଣ୍ଡ-୦
ଫାଇନାଲ ପେନାଲ୍ଟି ସୁଟ୍ଆଉଟ୍ : ବେଲଜିୟମ -୩, ନେଦରଲାଣ୍ଡସ-୨
