ମୁକ୍ତିଲାଭ କଲା ‘ଜିରୋ’ : ପରଦା ବିତରଣରେ ବର୍ଷର ତୃତୀୟ ବଡ଼ ଚଳଚ୍ଚିତ୍ର

0

ମୁମ୍ବଇ : ଶାହାରୁଖ ଖାନଙ୍କ ଅଭିନୀତ ଚଳଚ୍ଚିତ୍ର ‘ଜିରୋ’ ଶୁକ୍ରବାର ମୁକ୍ତିଲାଭ କରିଛି। ଏହା ବର୍ଷର ସବୁଠାରୁ ବଡ଼ ଚଳଚ୍ଚିତ୍ରମାନଙ୍କ ମଧ୍ୟରୁ ଗୋଟିଏ। ଏହି ଚଳଚ୍ଚିତ୍ର ମାଧ୍ୟମରେ ପ୍ରାୟ ୬ବର୍ଷ ପରେ ଶାହାରୁଖ୍‍ ଖାନ, କ୍ୟାଟ୍ରିନା କୈଫ୍‍ ଓ ଅନୁଷ୍କା ଶର୍ମାଙ୍କୁ ଏକାଠି ଗୋଟିଏ ପରଦାରେ ଦେଖିବାକୁ ମିଳିଛି। ତିନିଜଣଙ୍କୁ ଭିନ୍ନଭିନ୍ନ ବେଶ୍‍ ଆକର୍ଷଣୀୟ ଭୂମିକାରେ ଦେଖିବାକୁ ମିଳିବ। ଅମିର ଓ ସଲମାନଙ୍କ ପରେ ଶାହାରୁଖଙ୍କ ଏହି ଚଳଚ୍ଚିତ୍ର ପରଦା ବିତରଣ ହିସାବରେ ବର୍ଷ ୨୦୧୮ର ତୃତୀୟ ସବୁଠାରୁ ବଡ ଚଳଚ୍ଚିତ୍ର ପାଲଟିଛି। ଟ୍ରେଡ଼୍‍ ଆନାଲିଷ୍ଟ ତରଣ ଆଦର୍ଶଙ୍କ ଟ୍ୱିଟ୍‍ ଅନୁସାରେ, ‘ଜିରୋ’କୁ ଭାରତରେ ୪୩୮୦ ପରଦାରେ ରିଲିଜ୍‍ କରାଯାଇଛି। ସେହିପରି ଦେଶ ବାହାରେ ଏହି ଚଳଚ୍ଚିତ୍ରକୁ ୧୫୮୫ ପରଦାରେ ରିଲିଜ୍‍ କରାଯାଇଛି। ତେଣୁ ମୋଟ୍‍ ଉପରେ ବିଶ୍ୱର ୫୯୬୫ଟି ପରଦାରେ ଏହି ଚଳଚ୍ଚିତ୍ରକୁ ପ୍ରତିଦିନ ଦର୍ଶକ ଦେଖି ପାରିବେ।
ଚଳଚ୍ଚିତ୍ରରେ ପ୍ରଥମ ଥର ପାଇଁ ଶାହାରୁଖଙ୍କୁ ଜଣେ ବାମନ ଅବତାରରେ ଦେଖିବାକୁ ମିଳିଛି। ସେହିପରି ଅନୁଷ୍କା ସେରେବ୍ରଲ୍‍ ପାଲ୍‍ସି ରୋଗରେ ପୀଡ଼ିତ ଜଣେ ମହିଳା ବୈଜ୍ଞାନିକ ଭୂମିକାରେ ଅଭିନୟ କରିଥିବା ବେଳେ କ୍ୟାଟ୍ରିନା ନିଶା ସେବନ ଅଭ୍ୟାସରୁ ନିଜକୁ ମୁକ୍ତ କରିବା ପାଇଁ ଖୁବ୍‍ ଚେଷ୍ଟାରତ ଥିବା ଦେଖିବାକୁ ମିଳିଛି।

Comments
Loading...