ହନୁମାନଙ୍କୁ ନେଇ ଆଜମ ଖାନ ଓ ଗିରିରାଜଙ୍କ ମଧ୍ୟରେ ବାକ୍‍ଯୁଦ୍ଧ

ଲକ୍ଷ୍ନୌ : ହନୁମାନଙ୍କୁ ନେଇ ବିହାର ବେଗୁସରାଇ ଲୋକସଭା ଆସନରୁ ବିଜେପି ପ୍ରାର୍ଥୀ ତଥା କେନ୍ଦ୍ର ମନ୍ତ୍ରୀ ଗିରିରାଜ ସିଂହ ଏବଂ ସମାଜବାଦୀ ପାର୍ଟି (ଏସ୍‍ପି)ର ବରିଷ୍ଠ ନେତା ଆଜମ ଖାନଙ୍କ ମଧ୍ୟରେ ବାକ୍‍ଯୁଦ୍ଧ ଆରମ୍ଭ ହୋଇଛି। ଗିରିରାଜ କହିଛନ୍ତି ଯେ ଆଜମ ଖାନ ପ୍ରଥମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଗାଳି ଦେଇଥିଲେ। ଏବେ ସେ ଆମ ଭଗବାନଙ୍କୁ ଗାଳି ଦେଉଛନ୍ତି। ବେଗୁସରାଇ ନିର୍ବାଚନ ସରିବା ପରେ ସେ ରାମପୁର ଯାଇ ଆଜମ ଖାନଙ୍କୁ ହନୁମାନ କିଏ, ଜଣାଇବେ ବୋଲି ଚେତବାନୀ ଦେଇଛନ୍ତି।
ଏହା ପୂର୍ବରୁ ଏସ୍‍ପି ନେତା ଆଜମ ଖାନ କହିଥିଲେ ଯେ ମୋଦୀ ଏବଂ ଯୋଗୀଙ୍କୁ ନିର୍ବାଚନ ସମୟରେ ପାକିସ୍ତାନ ଏବଂ ମୁସଲମାନଙ୍କୁ ଛାଡ଼ି କିଛି ଦିଶୁନାହିଁ। ଏଠାରେ ହନୁମାନଙ୍କ ଜାତି କ’ଣ କୁହାଯାଉଛି। କିନ୍ତୁ ଏବେ ବଜରଙ୍ଗ ଏବଂ ଅଲ୍ଲୀ ମିଶି ଅତ୍ୟଚାରୀଙ୍କୁ କ୍ଷମତାଚ୍ୟୁତ କରିବେ। ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଅଲ୍ଲୀ ଏବଂ ବରଜଙ୍ଗବାଲି ଭାଷଣକୁ ନେଇ ଆଜମ ଖାନ ଏହି ଟିପ୍ପଣୀ ଦେଇଥିଲେ। ଗିରିରାଜ ଏବେ ଆଜମଙ୍କ ଟିପ୍ପଣୀର ଜବାବ ଦେଇଛନ୍ତି।

Comments
Loading...