MEllora 950×100

ସ୍ୱାଦିଷ୍ଟ ଚଟ୍‌‌ପଟା ପୁରୀ 

ମଇଦା – ୧କପ
କଟା ଯାଇଥିବା ଅଦା – ୧ ଚାମଚ
ମଟରଛୁଇଁ – ୨କପ
ଅଟା – ୨କପ
କଟା ଯାଇଥିବା କଞ୍ଚା ଲଙ୍କା – ୧ ଚାମଚ
ହେଙ୍ଗୁ ସାମାନ୍ୟ
ତେଲ – ଆବଶ୍ୟକ ପରିମାଣରେ
ଲୁଣ – ଆବଶ୍ୟକ ପରିମାଣରେ
ପ୍ରସ୍ତୁତି ପ୍ରଣାଳୀ – ପ୍ରଥମେ ଏକ ପାତ୍ରରେ ଅଟା ଓ ମଇଦା ପକାଇ ଏଥିରେ ୨ ଚାମଚ ତେଲ , ଲୁଣ ପକାଇ ଭଲ ଭାବେ ଗୋଳାଇ ଦିଅନ୍ତୁ। ଏହାପରେ ଅଳ୍ପ ଅଳ୍ପ ପାଣି ପକାଇ ଭଲ ଭାବେ ଚକଟା ପ୍ରସ୍ତୁତ କରନ୍ତୁ। ଏବେ ୩୦ ମିନିଟ ଯାଏଁ ଏକ ପାତ୍ର ଘୋଢାଇ ରଖି ଦିଅନ୍ତୁ। ଏବେ ଭଲ ଭାବେ ମଟର ଛୁଇଁ ସିଝାଇ ଦିଅନ୍ତୁ। ସିଝା ମଟରରେ ଅଦା, କଞ୍ଚାଲଙ୍କା, ହେଙ୍ଗୁ , ସାମାନ୍ୟ ଲୁଣ ପକାଇ ଭଲ ଭାବେ ଗୋଳାଇ ଦିଅନ୍ତୁ। ଏବେ ଏହାକୁ ପେଷି ଦିଅନ୍ତୁ। ଏବେ ଗ୍ୟାସରେ ଏକ କଡେଇ ବସାଇ ତେଲ ଗରମ କରି ସାମାନ୍ୟ ହେଙ୍ଗୁ ପକାଇ, ଉକ୍ତ ମିଶ୍ରଣ ,ଲୁଣ ପକାଇ କିଛି ସମୟ କଷନ୍ତୁ। ଏହାପରେ ଏକ ପାତ୍ରକୁ କାଢି ଥଣ୍ଡା କରନ୍ତୁ। ଏହା ମଧ୍ୟରେ ଚକଟା ଅଟାରୁ ପୁରୀ ଆକୃତିର ବେଲି ଏଥିରେ ପ୍ରସ୍ତୁତ ମିଶ୍ରଣ ପୁର ଭଳି ଦେଇ ପୁଣି ବେଲି ଦିଅନ୍ତୁ। ଏବେ ଗ୍ୟାସରେ କଡେଇ ବସାଇ ତେଲ ଗରମ କରି ଭଲ ଭାବେ ଛାଣି ଦିଅନ୍ତୁ। ପ୍ରସ୍ତୁତ ହୋଇଗଲା ମଟର ଚଟ୍‌‌ପଟା ପୁରୀ।

Comments are closed.