ନବରଙ୍ଗପୁର/ପାପଡାହାଣ୍ଡି : ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ସଦରମହାକୁମା ନିକଟସ୍ଥ ଚମ୍ପାବନରୁ ସନ୍ଦେହ ଜନକ ଅବସ୍ଥାରେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି ପାପଡାହାଣ୍ଡି ପୁଲିସ। ମୃତ ଯୁବକ ଜଣକ ହେଲେ ପାପଡାହାଣ୍ଡି ଗ୍ରାମର ଦାଶରଥି ଯାନୀଙ୍କ ପୁଅ ଶିବ ଯାନୀ ( ୩୨)। ସୂଚନା ଅନୁଯାୟୀ, ଗତ ୨/୩ ମାସ ହେବ ସେ ଉମରକୋଟରେ ତାଙ୍କ ସ୍ତ୍ରୀ ଏବଂ ଛୁଆ ସହ ରହିଆସୁଥିଲେ। ଗତକାଲି ସେ ପାପଡାହାଣ୍ଡି -କୁ ଆସିଥିଲେ କିନ୍ତୁ ଘରକୁ ନ ଯାଇ ବାହାରେ ବୁଲାବୁଲି କରୁଥିବା ଲୋକେ ଦେଖିଥିଲେ। ସକାଳ ପ୍ରାୟ ୭ ଘଣ୍ଟା ସମୟରେ କିଛି ଯୁବକ ଶୌଚ କରିବାକୁ ଯାଇଥିବା ସମୟରେ ନିକଟରେ ଥିବା ଏକ ଚମ୍ପା ବନ ଭିତରେ ଗୋଟିଏ ଗଛରେ ଝୁଲନ୍ତା ଅବସ୍ଥାରେ ଶିବ ଯାନୀଙ୍କୁ ଦେଖି ତାଙ୍କ ପରିବାର ଲୋକଙ୍କୁ ଖବର ଦେଇଥିଲେ। ଖବର ପାଇ ଶିବଙ୍କ ବାପା ପାପଡାହାଣ୍ଡି ଥାନାରେ ଏକ ଏତଲା ଦେଇଥିଲେ। ଏତଲା କୁ ଭିତ୍ତି କରି ପାପଡାହାଣ୍ଡି ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ କରୁଥିବା ଜଣାପଡିଛି ।
Comments are closed.