ଯୋଗୀ ଆଦିତ୍ୟନାଥଙ୍କ ବାପାଙ୍କ ଦେହାନ୍ତ

ଲକ୍ଷ୍ନୌ: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବାପା ଆନନ୍ଦ ସିଂହ ବିସ୍ତଙ୍କର ଦିଲ୍ଲୀ ଏମ୍‌ସରେ ପରଲୋକ ଘଟିଛି। ସୋମବାର ପୂର୍ବାହ୍ନ ପ୍ରାୟ ୧୦ଟା ୪୪ରେ ସେ ଶେଷ ନିଃଶ୍ଵାସ ତ୍ୟାଗ କରିଛନ୍ତି। ଉତ୍ତରପ୍ରଦେଶର ଅତିରିକ୍ତ ମୁଖ୍ୟ ସଚିବ(ଗୃହ) ଅବନୀଶ କୁମାର ଅୱସ୍ଥି ଏ ସମ୍ପର୍କରେ ସୂଚନା ଦେଇଛନ୍ତି।

ଯୋଗୀଙ୍କ ବାପା ଆନନ୍ଦ ସିଂହ କିଡ୍‌ନୀ ଏବଂ ଯକୃତଜନିତ ସମସ୍ୟା ପାଇଁ ଦିଲ୍ଲୀ ଏମ୍‌ସରେ ଭର୍ତ୍ତି ହୋଇଥିଲେ। ରବିବାର ବିଳମ୍ବିତ ରାତିରେ ତାଙ୍କ ଅବସ୍ଥା ସଙ୍କଟାପନ୍ନ ହୋଇଥିଲା। ତାଙ୍କୁ ଭେଣ୍ଟିଲେଟରରେ ରଖି ଚିକିତ୍ସା କରାଯିବା ସହିତ ଡାୟାଲିସିସ କରାଯାଇଥିଲା। କିନ୍ତୁ ଡାକ୍ତର ତାଙ୍କୁ ବଞ୍ଚାଇପାରି ନ ଥିଲେ। ଯୋଗୀଙ୍କୁ ତାଙ୍କ ବାପାଙ୍କ ମୃତ୍ୟୁ ଖବର ମିଳିବା ସମୟରେ ସେ ୧୧ଟି କମିଟି  ସହିତ କରୋନା ଭୂତାଣୁର ସମୀକ୍ଷା ବୈଠକରେ ଉପସ୍ଥିତ ଥିଲେ। ବାପାଙ୍କ ମୃତ୍ୟୁ ସୂଚନା ପାଇ ବି ସେ ବୈଠକରେ ରହିଥିଲେ। ପ୍ରାୟ ଅଧ ଘଣ୍ଟା ପରେ ବୈଠକ ଶେଷ ହେବା ପରେ ସେ ଯାଇଥିଲେ।

Comments
Loading...