ଓଡିଆ ସମାଜ ସଦସ୍ୟଙ୍କ ଦ୍ୱାରା ବାହାରିନରେ ଯୋଗ ଦିବସ ପାଳିତ

ବାହାରିନ ଓଡିଆ ସମାଜର ସଦସ୍ୟମାନେ ନିଜ ପରିବାର ସହିତ ଅନ୍ତର୍ଜାତୀୟ ଯୋଗ ଦିବସ ପାଳନ କରିଛନ୍ତି। ଅନୁଷ୍ଠାନର କାର୍ଯ୍ୟନିର୍ବାହୀ କମିଟିର ନେତୃତ୍ୱ ତଥା ନିର୍ଦ୍ଦେଶନାରେ ଏକ ଯୋଗ ସଚେତନତା ଭର୍ଚୁଆଲ୍ କ୍ୟାମ୍ପ ମାଧ୍ୟମରେ ୭ମ ଅନ୍ତରାଷ୍ଟ୍ରିୟ ଯୋଗ ଉତ୍ସବ ପାଳନ କରିଥିଲେ। ଓଡ଼ିଶା ରାଜ୍ୟର ପ୍ରଖ୍ୟାତ ଯୋଗ ଥେରାପିଷ୍ଟ ସରିତାଞ୍ଜଳି ନାୟକ ଏହି ଉତ୍ସବରେ ଯୋଗ ଦେଇ ଯୋଗର ଉପକାରିତା ବିଷୟରେ ବର୍ଣ୍ଣନା କରିଥିଲେ ଏବଂ ଅନୁଷ୍ଠାନ ଓ ସେମାନଙ୍କ ପରିବାର ପାଇଁ ଅନେକ ଲାଭବାନ ଯୋଗ ଆସନ ଏବଂ ନିଶ୍ୱାସ ପ୍ରଶ୍ୱାସ ଅଭ୍ୟାସ କରିଥିଲେ।

ସପ୍ତମ ଯୋଗ ଦିବସ ଉତ୍ସବର ବିଷୟବସ୍ତୁ ଥିଲା – ସୁସ୍ଥତା ପାଇଁ ଯୋଗ, ଯୋଗ ସହିତ ରୁହ ଏବଂ ଘରେ ରୁହ। ଏହା କୋଭିଡ-୧୯ ମହାମାରୀର ବିଶ୍ୱସ୍ତରୀୟ ଚିନ୍ତାଧାରା ସହିତ ମେଳ ଖାଉଛି, ଉତ୍ତମ ସ୍ୱାସ୍ଥ୍ୟ ବଜାୟ ରଖିବା ଉପରେ ଗୁରୁତ୍ୱାରୋପ କରିଛି ତତ୍‌ ସହିତ ସାମାଜିକ ଦୂରତାକୁ ମଧ୍ୟ ପ୍ରାଧାନ୍ୟ ଦେଇଛି।

ଯୋଗ ହେଉଛି ଏକ ପ୍ରାଚୀନ ଭାରତୀୟ ବ୍ୟାୟାମ ଯାହା ଦ୍ଵାରା କୌଣସି ମଣିଷ ନିଜ ଜୀବନକୁ ଏକ ସକାରାତ୍ମକ ଢଙ୍ଗରେ ପରିବର୍ତ୍ତନ କରିପାରିବ। ଯୋଗର କେବଳ ଆସନ ଓ ବ୍ୟାୟାମ ଅପେକ୍ଷା ବହୁତ ଅଧିକ ପ୍ରଭାବ ରହିଛି। ଏହା ଶରୀରରୁ ଆରମ୍ଭ ହୁଏ, ମନକୁ ଯାଏ ଏବଂ ଆତ୍ମାକୁ ଚାଲିଯାଏ। ଯୋଗ ଏକ ଅତ୍ୟନ୍ତ ସୂକ୍ଷ୍ମ ବିଜ୍ଞାନ ଯାହା ମନ ଏବଂ ଶରୀର, ବ୍ୟକ୍ତିଗତ ଚେତନା ଏବଂ ସର୍ବଭାରତୀୟ ଚେତନା ମଧ୍ୟରେ ସମନ୍ୱୟ ଆଣିବା ଉପରେ ଧ୍ୟାନ ଦେଇଥାଏ ବୋଲି ବକ୍ତାମାନେ କହିଥିଲେ। ଏହି ଭର୍ଚୁଆଲ୍ ପ୍ରୋଗ୍ରାମ୍କାର୍ଯ୍ୟକ୍ରମ ବାହାରିନ ଓଡ଼ିଆ ସମାଜର ମହିଳା ସଦସ୍ୟଙ୍କ ଦ୍ୱାରା ଆୟୋଜିତ ହୋଇଥିଲା।

Comments
Loading...