ନୂଆଦିଲ୍ଲୀ: ପାଇକାରୀ ମୂଲ୍ୟସୂଚୀ ଭିତ୍ତିକ ମୁଦ୍ରାସ୍ଫିତି ହାର ଗତ ଡିସେମ୍ବର ମାସରେ ଶତକଡ଼ା ୨.୫୯ ଭାଗକୁ ବୃଦ୍ଧି ପାଇଛି। ଗତବର୍ଷ ନଭେମ୍ବର ମାସରେ ଏହା ଶତକଡ଼ା ୦.୫୮ ଭାଗ ଥିଲା। ପିଆଜ ଓ ଆଳୁ ଭଳି ପନିପରିବାର ଅତ୍ୟଧିକ ଦାମ ବୃଦ୍ଧି ପାଇବାରୁ ପାଇକାରୀ ମୁଦ୍ରାସ୍ଫିତିରେ ଏଭଳି ବୃଦ୍ଧି ଘଟିଛି। ମାସିକ ପାଇକାରୀ ମୂଲ୍ୟଭିତ୍ତି ସୂଚିକ ମୁଦ୍ରାସ୍ଫିତି ଅନୁସାରେ ବାର୍ଷିକ ମୁଦ୍ରାସ୍ଫିତି ହାର ବର୍ଷେ ପୂର୍ବେ ଡିସେମ୍ବର ମାସରେ ଶତକଡ଼ା ୩.୪୬ ଭାଗ ରହିଥିଲା। ଶିଳ୍ପ ଓ ବାଣିଜ୍ୟ ମନ୍ତ୍ରଣାଳୟ ଦ୍ୱାରା ଜାରି ତଥ୍ୟ ଅନୁସାରେ ୨୦୧୯ ଡିସେମ୍ବର ମାସରେ ଖାଦ୍ୟ ମୁଦ୍ରାସ୍ଫିତିହାର ଶତକଡ଼ା ୧୩.୧୨ ଭାଗକୁ ବୃଦ୍ଧି ପାଇଥିଲା। ନଭେମ୍ବରରେ ଏହା ଶତକଡ଼ା ୧୧ ଭାଗ ରହିଥିଲା।
ଅଣଖାଦ୍ୟ ପଦାର୍ଥ ମୁଦ୍ରାସ୍ଫିତି ହାର ପ୍ରାୟ ୪ ଗୁଣା ବୃଦ୍ଧି ପାଇ ନଭେମ୍ବର ମାସରେ ଶତକଡ଼ା ୧.୯୩ ଭାଗରୁ ଶତକଡ଼ା ୭.୭୨ ଭାଗକୁ ବୃଦ୍ଧି ପାଇଛି। ଖାଉଟି ମୂଲ୍ୟ ସୂଚୀଭିତ୍ତିକ ମୁଦ୍ରାସ୍ଫିତି ହାର ଗତ ପାଞ୍ଚ ବର୍ଷ ତୁଳନାରେ ବୃଦ୍ଧି ପାଇ ଡିସେମ୍ବର ମାସରେ ଶତକଡ଼ା ୭.୩୫ ଭାଗରେ ପହଞ୍ଚିଛି।
Comments are closed.