MEllora 950×100

ଏସଟିପିଆଇ ଭୁବନେଶ୍ୱରରେ ବିଶ୍ୱ ବିଜ୍ଞାନ ଦିବସ

ଭୁବନେଶ୍ୱର : ରାଜଧାନୀ ଭୁବନେଶ୍ୱରରେ ଥିବା ସଫ୍ଟୱୟାର ଟେକ୍ନୋଲୋଜି ପାର୍କସ ଅଫ୍ ଇଣ୍ଡିଆ (ଏସଟିପିଆଇ) ଠାରେ ବିଶ୍ୱ ବିଜ୍ଞାନ ଦିବସ ପାଳିତ ହୋଇଯାଇଛି । ଏହି ଅବସରରେ ଡିଏଭି ଚନ୍ଦ୍ରଶେଖରପୁର ଓ ସାଇ ଇଣ୍ଟରନ୍ୟାସନାସ ସ୍କୁଲର ୧୦୦ ଛାତ୍ରଛାତ୍ରୀ ଏସଟିପିଆଇ ପରିସର ବୁଲି ଦେଖିଥିଲେ । ବିଭିନ୍ନ ଷ୍ଟାର୍ଟଅପ୍ ଓ ନବସୃଜନକୁ ପ୍ରୋତ୍ସାହନ ଦେବା ଉଦେ୍ଦଶ୍ୟରେ ଏସଟିପିଆଇରେ ପ୍ରତିଷ୍ଠା ହୋଇଥିବା ଇଲେକ୍ଟ୍ରୋପ୍ରେନୁ୍ୟର ପାର୍କ ଓ ଡିଜିଟାଲ ଫେବ୍ରିକେସନ ଲାବକୁ ଛାତ୍ରଛାତ୍ରୀମାନେ ପରିଦର୍ଶନ କରିଛନ୍ତି । ସ୍କୁଲ ଛାତ୍ରଛାତ୍ରୀମାନେ କିଭଳି ଆଇଟି ନବସୃଜନ ପାଇଁ ଅନୁସନ୍ଧିତ୍ସୁ ହେବେ ଓ ଗବେଷଣା ଦିଗରେ ମନ ବଳାଇବେ ସେଥିପାଇଁ ଏଭଳି କାର୍ଯ୍ୟକ୍ରମ ହୋଇଥିଲା । ଆଇଟି କ୍ଷେତ୍ରରେ କାମ କରି ସେମାନେ ଭବିଷ୍ୟତରେ ଉଦ୍ୟୋଗୀ ହେବା ଲକ୍ଷ୍ୟରେ ଏଭଳି କାର୍ଯ୍ୟକ୍ରମ କରାଯାଉଛି । ଏହି ଅବସରରେ ଛାତ୍ରଛାତ୍ରୀଙ୍କ ମଧ୍ୟରେ ଏକ କୁଇଜ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏସଟିପିଆଇ ଭୁବନେଶ୍ୱରର ନିର୍ଦ୍ଦେଶକ ମାନସ ପଣ୍ଡା ଉପସ୍ଥିତ ରହି ସଫଳ ଛାତ୍ରଛାତ୍ରୀଙ୍କୁ ପ୍ରମାଣପତ୍ର ପ୍ରଦାନ କରିଥିଲେ । ଯୁବ ଓ ଛାତ୍ରଛାତ୍ରୀମାନେ ଆଇଟି କ୍ଷେତ୍ରରେ ବ୍ୟାପକ ଗବେଷଣା ଜାରି ରଖିବା ସହ ଟେକ୍ନୋଲୋଜି କ୍ଷେତ୍ରରେ ଭାରତକୁ ବିଶ୍ୱଗୁରୁ ଭାବେ ଗଢ଼ି ତୋଳିବାକୁ ସେ ଆହ୍ୱାନ ଦେଇଥିଲେ । ସୂଚନାଯୋଗ୍ୟ ଯେ ଡିଜିଟାଲ ଇଣ୍ଡିଆ, ମେକ୍ ଇନ୍ ଇଣ୍ଡିଆ ଓ ମେକ୍ ଇନ ଓଡ଼ିଶାକୁ ସଫଳ କରାଇବାରେ ଏସଟିପିଆଇର ବଡ଼ ଭୂମିକା ରହିଛି । ରାଜ୍ୟରେ ଭୁବନେଶ୍ୱର, ରାଉରକେଲା, ବ୍ରହ୍ମପୁର ଓ ବାଲେଶ୍ୱର ସମେତ ଦେଶର ୬୧ଟି ସ୍ଥାନରେ ଏସଟିପିଆଇର କେନ୍ଦ୍ର ରହିଛି ।

Comments are closed.