ବିଶ୍ୱ ହାତଧୂଆ ଦିବସରେ ସଚେତନତା

ଆଠଗଡ : ବ୍ରହ୍ମପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିନ ମେଘା ସେକ୍ଟରର ଗାଁ କଲ୍ୟାଣ ସମିତି ସମୂହ ଆନୁକୁଲ୍ୟରେ ଶୁକ୍ରବାର ବିଶ୍ୱ ହାତଧୂଆ ଦିବସରେ ଜନ ସଚେତନତା ସୃଷ୍ଟି କରାଯାଇଥିଲା। କଟକିଆ ସାହି ପଞ୍ଚାୟତର ସ୍ୱାସ୍ଥ୍ୟ ଓ ଆରୋଗ୍ୟ କେନ୍ଦ୍ରଠାରେ ଆୟୋଜିତ ଏକ ସଚେତନତା ସଭାରେ ବରିଷ୍ଠ ବହୁମୁଖୀ ସ୍ୱାସ୍ଥ୍ୟ ପରିଦର୍ଶକ ମହମ୍ମଦ ଅସଲମ ସଂଯୋଜନାରେ କରି ହାତଧୂଆ ଦିବସ ପାଳନର ଉଦ୍ଦେଶ୍ୟ ଓ ଲକ୍ଷ୍ୟ ସଂପର୍କରେ ଆଲୋକପାତ କରିବା ସହ ଏହାର ବହୁମୁଖୀ ଉପକାରିତା ସଂପର୍କରେ ବୁଝାଇଥିଲେ। ହାତ ଭଲକରି ନଧୋଇ ଖାଦ୍ୟ ଖାଇବା ବା ଖାଦ୍ୟ ପ୍ରସ୍ତୁତ କରିବା ଦ୍ୱାରା ଅନେକ ପ୍ରକାରର ରୋଗ ସଂକ୍ରମଣ ହୋଇଥାଏ। ତେଣୁ ଖାଦ୍ୟପ୍ରସ୍ତୁତ କରିବା ଏବଂ ଖାଇବା ପୂର୍ବରୁ ଓ ପରେ ଭଲକରି ହାତ ଧୋଇବା ଉପରେ ଶ୍ରୀ ଅସଲମ ଗୁରୁତ୍ୱାରୋପ କରିଥିଲେ। ଏହି କାର୍ଯ୍ୟକ୍ରମରେ ସ୍ୱାସ୍ଥ୍ୟକର୍ମୀ ପ୍ରଣିତା ବାରିକ, ଆଶାକର୍ମୀ ହେମା ଶର୍ମାଙ୍କ ସମେତ ଅଙ୍ଗନବାଡି କର୍ମୀ, ମହିଳା ସ୍ୱୟଂସହାୟକ ଗୋଷ୍ଠୀର ସଦସ୍ୟ ଏବଂ ଗାଁ କଲ୍ୟାଣ ସମିତିର ସଦସ୍ୟ ଯୋଗଦେଇ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିବା ସହ ଏକ ସଚେତନତା ଶୋଭାଯାତ୍ରାରେ ଯୋଗଦାନ କରି ଜନସଚେତନତା ସୃଷ୍ଟି କରିଥିଲେ।

Comments are closed.