ପାଟଣାରେ ବିଶ୍ବ ରେଡିଓ ଦିବସ ପାଳିତ

ପାଟଣା: ପାଟଣାରେ ବିଶ୍ବ ରେଡିଓ ଦିବସ କାର୍ଯ୍ୟକ୍ରମ ପାଳନ କରାଯାଇଛି। ୨୦୧୧ ମସିହା ୟୁନେସ୍କୋ ସଦସ୍ୟ ରାଷ୍ଟ୍ର ସମୂହଙ୍କ ଦ୍ବାରା ମାର୍ଚ୍ଚ ୧୩କୁ ରେଡିଓ ଦିବସ ଭାବେ ପାଳନ କରିବାକୁ ନିଷ୍ପତ୍ତି ନେଇଥିବା ବେଳେ ଚଳିତ ବର୍ଷ ଜାତିସଂଘ ଏହାକୁ ଅନୁମୋଦନ କରିଥିବାରୁ କାର୍ୟ୍ୟକ୍ରମରେ ଜାତିସଂଘକୁ କୃତଜ୍ଞତା ଜ୍ଞାପନ କରାଯାଇଥିଲା। ମହାବାତ୍ୟା ସମୟରେ କିପରି ରେଡିଓ ସୂଚନା ପ୍ରସାରଣ କ୍ଷେତ୍ରରେ ମୁଖ୍ୟ ମାଧ୍ୟମ ସାଜିଥିଲା ସେ ଘଟଣାରେ ସ୍ମରଣ କରାଯାଇଥିଲା। ଏବେବି ଗ୍ରାମାଞ୍ଚଳରେ ରେଡିଓର ଆଦର ରହିଥିବା ବେଳେ ଲୋକେ ପ୍ରଧାନମନ୍ତ୍ରୀ ମନକୀ ବାତ କାର୍ୟ୍ୟକ୍ରମ ଶୁଣୁଥିବା ଏଠାରେ ମତ ପ୍ରକାଶ ପାଇଥିଲା। ଲୋକଗୀତ, ଦେଶାତ୍ମବୋଧକ, ସଙ୍ଗୀତ ଠାରୁ ଆରମ୍ଭ କରି ଖବର ,ନାଟକ ,ଦାସକାଠିଆ, ପାଲା , ଗୀତିନାଟ୍ୟ, କୃଷି ସୂଚନା, ଯୁବ କାର୍ଯ୍ୟକ୍ରମ ଆଦି ଏବେବି ରେଡିଓ ଶ୍ରୋତାଙ୍କ ପସନ୍ଦ ଥିବା କାର୍ଯ୍ୟକ୍ରମରେ ଉପସ୍ଥିତ ଥିବା ବିଦ୍ୟାଧର ଦାଶ, କେଶବ ଚନ୍ଦ୍ର ଦାଶ, ବଳଭଦ୍ର କର, ମୁରଲିଧର ଦାଶ, ଲୋକନାଥ ମିଶ୍ର , ଗଦାଧର ଦାଶ, ପଞ୍ଚାନନ ଦାଶ, ମୁନା ପାତ୍ର, ସଚିନ ସାହୁ ପ୍ରମୁଖ ମତ ପ୍ରକାଶ କରିଥିଲେ ।

Comments
Loading...