ଝୁମ୍ପୁରା : ଚମ୍ପୁଆ ରେଞ୍ଜ ବାଲିବନ୍ଧ ବନପାଳ ଅନ୍ତର୍ଗତ କଟଲପଶି ଧାତିକା ରାସ୍ତାର କଟଲ ପଶି ଛକ ନିକଟରୁ ଶୁକ୍ରବାର ପୂର୍ବାହ୍ନରେ ଏକ ଶିମିଳି ପଟା ନେଉ ଯାଉଥିବା ଗାଡିକୁ ବନ ବିଭାଗ ଜବତ କରିବାକୁ ସକ୍ଷମ ହୋଇଥିବା ଜଣାଯାଇଛି। ଚମ୍ପୁଆ ରେଞ୍ଜ ଅଧିକାରୀ ଘାସିନାଥ ପାତ୍ର କୌଣସି ସୂତ୍ରରୁ ଖବର ପାଇଥିଲେ ଯେ, ଏକ ଗାଡିରେ ଶିମିଳି ପଟା ବୋଝେଇ ହୋଇ ଗାଡିଟି କଟପଶି ଧାତିକା ରାସ୍ତାରେ ଯାଉଛି। ବାଲିବନ୍ଧ ବନପାଳ ଖଗେଶ୍ୱର ବାରିକ, ଗୁମୁରା ବିଟ ବନରଖି ଦେବାଶିଷ ମହାପାତ୍ର ଏବଂ ୫ ଜଣ ପାରା ଷ୍ଟାପକୁ ନେଇ ବନପାଳ ଚଢଉ କରିଥିଲେ। ବନ ବିଭାଗର ଗାଡିକୁ ଦେଖି ଦ୍ରୁତ ଗତିରେ କାଠ ପଟା ନେଉ ଯାଉଥିବା ଗାଡିଟି ଯାଉଥିବା ସମୟରେ ବନ ବିଭାଗ ପିଛା କରି କଟଲ ପଶି ନିକଟରେ କାଠ ଗାଡି ପହଞ୍ଚି ଥିବା ସମୟରେ କାଠ ଗାଡିର ଚାଳକ ଗାଡିକୁ ରାସ୍ତା କଡରେ ଛିଡା କରି ଦୌଡି ପଳାଇବାକୁ ସକ୍ଷମ ହୋଇଛି। ବନବିଭାଗ ଜବତ କରିଥିବା ଗାଡିରେ ୧୧୪ ଖଣ୍ଡ ଶିମିଳି ପଟା ରହିଥିବା ବେଳେ ଏହାର ଆନୁମାନିକ ମୂଲ୍ୟ ୧୨ ହଜାର ଟଙ୍କା ହେବ ବୋଲି ବାଲିବନ୍ଧ ବନପାଳ ସୂଚନା ପ୍ରଦାନ କରିଛନ୍ତି । କାଠ ପଟା ନେଇ ଯାଉଥିବା ବିଶିଷ୍ଟ ଗାଡିକୁ ବନ ବିଭାଗ ଜବତ କରିଛି। ଶିମିଳି କାଠ ପଟା ନେଇ ଯାଉଥିବା ଗାଡିଟି କାହାର ଏବଂ କେଉଁ ବ୍ୟକ୍ତି ଏହି ଶିମିଳି କାଠ ପଟା ଗୁଡିକ ନେଇ ଯାଉଥିଲା ତାର ସଂପୂର୍ଣ୍ଣ ତଥ୍ୟ ବନ ବିଭାଗ ହସ୍ତଗତ ହୋଇନଥିବା ଜଣାଯାଇଛି।
Comments are closed.