ପାଦରେ ସୁନାର ଗହଣା ପିନ୍ଧିବା ବର୍ଜନୀୟ

0

ହିନ୍ଦୁ ଧର୍ମରେ ଅନେକ ମାନ୍ୟତା ପ୍ରଚଳିତ। ସେହି ମାନ୍ୟତା ଅନୁଯାୟୀ, ମହିଳାଙ୍କୁ ନିଜ ଗୋଡରେ ସୁନାର ଗହଣା ପିନ୍ଧିବାକୁ ବାରଣ କରାଯାଇଛି। ଏପରି କରିବାର ଏକ କାରଣ ରହିଛି। ପୌରାଣିକ ମାନ୍ୟତା ଅନୁଯାୟୀ, ଭଗବାନ ବିଷ୍ଣୁଙ୍କୁ ସୁନା ଅତ୍ୟନ୍ତ ପସନ୍ଦ। କୁହାଯାଇଛି ସୁନା ପିନ୍ଧିବା ଦ୍ବାରା ଭଗବାନ ବିଷ୍ଣୁ ସର୍ବଦା ପ୍ରସନ୍ନ ରହିଥାଆନ୍ତି। ଏପରି କରିବା ଦ୍ବାରା ସେ ଭକ୍ତଙ୍କର ସମସ୍ତ ସମସ୍ୟା ଦୂର କରିଥାଆନ୍ତି। କିନ୍ତୁ ସୁନାକୁ କେବେ ବି ଭୁଲରେ ନାଭି ତଳକୁ ଧାରଣ କରନ୍ତୁ ନାହିଁ। ଏହାଦ୍ବାରା ଭଗବାନ ବିଷ୍ଣୁ କ୍ରୋଧିତ ହୋଇ ଥାଆନ୍ତି। କୁହାଯାଇଛି ଯେ, ଭଗବାନ ବିଷ୍ଣୁଙ୍କର ଅପମାନ ହୋଇଥାଏ। ଏହାସହ ବ୍ୟକ୍ତିଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡିଥାଏ।

ହଳଦିଆ ରଙ୍ଗ ମା’ ଲକ୍ଷ୍ମୀଙ୍କର ଅତ୍ୟନ୍ତ ପ୍ରିୟ। ସୁନାର ରଙ୍ଗ ହଳଦିଆ। ତେଣୁ ସୁନା ସହ ମା’ ଲକ୍ଷ୍ମୀଙ୍କ ସମ୍ବନ୍ଧ ରହିଛି। ମା’ ଲକ୍ଷ୍ମୀଙ୍କୁ ଧନର ଦେବୀ କୁହାଯାଏ। ତାଙ୍କ କୃପା ଦ୍ବାରା ବ୍ୟକ୍ତିଙ୍କ ଜୀବନରେ ଧନ ପ୍ରାପ୍ତି ହୋଇଥାଏ। ତେଣୁ ସୁନାକୁ ନାଭି ତଳକୁ ଧାରଣ କରନ୍ତୁ ନାହିଁ। ଏହାଦ୍ବାରା ମା’ ଲକ୍ଷ୍ମୀଙ୍କ କ୍ରୋଧର ଶିକାର ହେବାକୁ ପଡିଥାଏ। ବ୍ୟକ୍ତିଙ୍କୁ ଆର୍ଥିକ ଅସୁବିଧାର ସମ୍ମୁଖୀନ ହେବାକୁ ପଡିଥାଏ।

କୁହାଯାଇଛି ଯେ, ପାଦରେ ଚାନ୍ଦିର ଗହଣା ପିନ୍ଧିବା ଅତ୍ୟନ୍ତ ଶୁଭ ହୋଇଥାଏ। ଚାନ୍ଦି ଶୀତଳତା ପ୍ରଦାନ କରିଥାଏ। ମନୁଷ୍ୟ ଚାନ୍ଦି ଧାରଣ କରିବା ଦ୍ବାରା ମାନସିକ ରୂପେ ଶାନ୍ତି ପାଇଥାଏ। ଏହାସହ କ୍ରୋଧ ଉପରେ ନିୟନ୍ତ୍ରଣ ରହିଥାଏ। ଚାନ୍ଦି ଗହଣା ଧାରଣ କରିବା ଦ୍ବାରା ବ୍ୟକ୍ତିଙ୍କ ଯାତକରେ ଚନ୍ଦ୍ରଙ୍କ ସ୍ଥାନ ମଜଭୂତ ହୋଇଥାଏ। ସେହି ବ୍ୟକ୍ତିଙ୍କୁ ଜୀବନରେ ସମସ୍ତ ସୁଖସୁବିଧା ମିଳିଥାଏ।

 

 

Comments
Loading...