ଲଣ୍ଡନ – ବ୍ରିଟେନ୍ର ସାମ୍ବାଦିକା କ୍ଲାଇରେ ମୁଫେଟ୍ ରିସେ୍ଙ୍କୁ ଭୀଷଣ ଥଣ୍ଡା ଧରିଥିଲା । ଏନ୍ସେଫାଲିଟିସ୍ ହେବାରୁ ମସ୍ତିଷ୍କରେ ଇନ୍ଫ୍ଲାମେସନ୍ ହୋଇଥିଲା । ସଂକ୍ରମଣ ଯୋଗୁଁ ଏପରି ହୋଇଥିଲା । ଏହାପରେ ୪୩ ବର୍ଷୀୟା ସାମ୍ବାଦିକା କୋମାକୁ ଚାଲିଯାଇଥିଲେ । ପରେ ସେ ସୁସ୍ଥ ହୋଇଥିଲେ । ହେଲେ ଏହା ଭିତରେ ସେ ତାଙ୍କ ପରିବାରର ବିଭିନ୍ନ ବିଷୟ ସହ ତାଙ୍କର ବିବାହ, ଶିଶୁକୁ ଜନ୍ମ ଦେବା ସମ୍ବନ୍ଧିତ ବିଷୟ ଭୁଲିଯାଇଥିଲେ । ଥଣ୍ଡାଯୋଗୁଁ ତାଙ୍କର ଅବସ୍ଥା ସଙ୍କଟାପନ୍ନ ହୋଇଯାଇଥିଲା ।
ତାଙ୍କର ଚିକିତ୍ସା କରିବା ସମୟରେ ଡାକ୍ତର ମସ୍ତିଷ୍କ ସଂକ୍ରମଣ କଥା ଭାବିଥିଲେ । ଏହାପରେ ତାଙ୍କର ବିଭିନ୍ନ ପରୀକ୍ଷା ନିରୀକ୍ଷା କରାଯାଇଥିଲା । ଏଥିରେ ମସ୍ତିଷ୍କର ସଂକ୍ରଣ ଯୋଗୁଁ ରକ୍ତସ୍ରାବ ବିଷୟରେ ଜଣା ପଡିଥିଲା । ପରେ ରୟାଲ ଲଣ୍ଡନ ଡାକ୍ତରଖାନାରେ ତାଙ୍କର ଚିକିତ୍ସା କରାଯାଇଥିଲା । ଏହି ସମୟରେ ସେ ବିଭିନ୍ନ ବିଚିତ୍ର ଘଟଣା ଅନୁଭବ କରିଥିବା କଥା କହିଛନ୍ତି । ସେ ଭଲ ହେବା ପରେ ତାଙ୍କର ବିବାହ , ପୁଅ ଜନ୍ମହେବା ଏବଂ ଅନେକ ବିଷୟ ଯାହା ପ୍ରାୟ ୨୦ ବର୍ଷର ହେବ ତାହା ଭୁଲିଯାଇଥିବା କଥା କହିଛନ୍ତି ।
