ଭୂତକୁ ଡ଼ରି ୫ ପିଲାଙ୍କ ସହ କୂଅକୁ ଡେଇଁଲେ ମହିଳା, ୪ ମୃତ

0

ଭାବନଗର : ଗୁଜରାଟ ଭାବନଗର ଜିଲା ତଲାଜା ତହସିଲ ଅଧୀନ ପାଞ୍ଚପିପଲା ଗ୍ରାମରେ ଭୂତକୁ ଡରି ନିଜ ମା’ ସହ ୫ ପିଲା କୂଅକୁ ଡ଼େଇଁପଡ଼ିଥିଲା ବେଳେ ୪ପିଲାଙ୍କ ମୃତ୍ୟୁ ଘଟିଛି। କୂଅରୁ ମା’ ଓ ବଡ଼ଝିଅକୁ ଗ୍ରାମ ଲୋକ ଜୀବୀତ ଉଦ୍ଧାର କରିଛନ୍ତି।
ସୂଚନା ପାଇ ପୁଲିସ୍‍ ଏବଂ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି କୂଅ ଭିତରୁ ୩ ପୁଅ ଏବଂ ଗୋଟିଏ ଝଅର ଶବ ଉଦ୍ଧାର କରିଛନ୍ତି । ଉଦ୍ଧାର ହୋଇଥିବା ମା’ ଝିଅଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।
୫ ପିଲାଙ୍କ ମା’ ଗୀତା ବେନ୍‍ କହିଛନ୍ତି ଯେ ସେ ନିଜ ସ୍ୱାମୀ ସହ ମିଶି ଚାଷ କରନ୍ତି। ଦୁଇ ବର୍ଷ ହେବ ଠିକ୍‍ରେ ବର୍ଷା ନହେବାରୁ ସଠିକ୍‍ ପରିମାଣର ଫସଲ ଉତ୍ପାଦନ ହୋଇନଥିଲା। ଫଳରେ ତାଙ୍କ ପରିବାର ଏକ ପ୍ରକାର ଦାରିଦ୍ର୍ୟତା ମଧ୍ୟରେ ଗତି କରୁଥିଲା। ଏବେ କିଛି ଦିନ ହେବ ସେ ଭୂତ ଆଉ ପ୍ରେତଙ୍କ ସ୍ୱପ୍ନ ଦେଖୁଥିଲେ। ତାଙ୍କୁ ନିଦ ହେଉନଥିଲା। ତେଣୁ ସେ ଆତ୍ମହତ୍ୟା କରିବାକୁ ନିଷ୍ପତ୍ତି ନେଇଥିଲେ। ତାଙ୍କ ପରେ ପିଲାଙ୍କ କ’ଣ ହେବ ଭାବି ସେ ନିଜ ସହ ପିଲାଙ୍କୁ ମାରିଦେବାକୁ ନିଷ୍ପତ୍ତି ନେଇଥିଲେ। ମଙ୍ଗଳବାର ଦିନ ସେ ପ୍ରଥମେ ପିଲାଙ୍କୁ କୂଅକୁ ପକାଇବା ପରେ ନିଜେ କୂଅକୁ ଡେଇଁଥିଲେ। ପାଖରେ ଥିବା ଗ୍ରାମବାସୀ ଏହି ଦୃଶ୍ୟ ଦେଖି କୂଅକୁ ରଶି ପକାଇ ତାଙ୍କୁ ଓ ବଡ଼ ଝିଅକୁ ଉଦ୍ଧାର କରିଥିଲେ।
ମହିଳାଙ୍କ ସ୍ୱାମୀ ଧର୍ମେଶି ଭାଇ ରାମ କହିଛନ୍ତି ଯେ ତାଙ୍କ ପତ୍ନୀ ଦେବୀଙ୍କ ଦର୍ଶନ ପାଇଁ ଯିବାକୁ କହିଥିଲେ। ତେଣୁ ସେ ଯିବାକୁ ଅନୁମତି ଦେଇଥିଲେ। ତାଙ୍କ ପତ୍ନୀ ସାଙ୍ଗରେ ନିଜ ବଡ଼ ଝିଅ ଶର୍ମିଷ୍ଠା, ଝିଅ ଅକ୍ଷିତା, ବଡ଼ ପୁଅ କୂଳଦୀପ, କାର୍ତ୍ତିକ ଏବଂ ସାନପୁଅ ରୁଦ୍ରକୁ ନେଇ ଯାଇଥିଲେ। କିନ୍ତୁ ବାଟରେ ଏକ କୂଅକୁ ଡ଼େଇଁ ପଡିଥିଲେ। ସେମାନଙ୍କ ମଧ୍ୟରୁ ୩ ପୁଅ ଓ ଗୋଟିଏ ଝିଅର ମୃତ୍ୟୁ ଘଟିଛି। ମା’ ସହ କେବଳ ବଡ଼ ଝିଅ ଶର୍ମିଷ୍ଠା ବଞ୍ଚିଯାଇଛି।

Comments
Loading...