ଶୀତଦିନେ ତ୍ୱଚାର ବିଭିନ୍ନ ସମସ୍ୟାକୁ ଦୂର କରେ , ଏହି ଟିପ୍ସ

ଶୀତଦିନେ ସାଧାରଣତଃ ତ୍ୱଚାର ଯତ୍ନ ନେବା ନିତ୍ୟାନ୍ତ ଆବଶ୍ୟକ। କାରଣ ଶୀତଦିନେ ଥଣ୍ଡାର ପ୍ରଭାବରେ ତ୍ୱଚା ଶୁଷ୍କ ଓ ଏହାର ଚମକ ହ୍ରାସ ପାଇଥାଏ। ଏହି ସମସ୍ୟାରୁ ମୁକ୍ତି ପାଇବା ପାଇଁ ଆମେ ବିଭିନ୍ନ ପ୍ରକାର ମଶ୍ଚରାଇଜର ଲଗାଇଥାଉ। ମାତ୍ର ବାହାରକୁ ବାହାରିବା ମାତ୍ରେ ଧୂଳିମାଟି ତ୍ୱଚାର ସଫାପଣ ଉପରେ ବହୁ କୁପ୍ରଭାବ ପକାଇଥାଏ। ଜାଣନ୍ତୁ ଶୀତଦିନେ ତ୍ୱଚାର ବିଭିନ୍ନ ସମସ୍ୟାକୁ ଦୂର କରିବାର କିଛି ସହଜ ଉପାୟ….
କଫି –
ଶୀତଦିନେ ତ୍ୱଚା ପାଇଁ କଫିର ବ୍ୟବହାର ଖୁବ ହିତକାରକ। କଫିରେ ଏକ ଚାମଚ ନଡ଼ିଆ ତେଲରେ ମିଶାଇ ଏହାକୁ ଗରମ କରନ୍ତୁ। କଫି ତରଳିବାପରେ ଆଞ୍ଚରୁ କାଢି ଏହାକୁ ଥଣ୍ଡା କରି ମୁହଁରେ ଓ ନିଜ ଇଚ୍ଛା ମୁତାବକ ହାତ ଓ ଗୋଡ଼ରେ ଲଗାଇ ପାରିବେ। ଏହାକୁ ଲଗାଇ କିଛି ସମୟ ରଖିବା ପରେ କଫି ଶୁଖିଯିବ ଓ ତେଲ ଅଂଶ ତ୍ୱଚା ମଧ୍ୟକୁ ପ୍ରବେଶ କରିବ। କଫି ଶୁଖିଗଲେ ସାମାନ୍ୟ ଉଷୁମ ପାଣିରେ ମୁହଁ ଧୋଇ ଦିଅନ୍ତୁ। ଏହି ଉପାୟ ସପ୍ତାହକୁ ଥରେ କରିବା ଦ୍ୱାରା ନିଜେ ଏହାର ଚମତ୍କାରିତା ଅନୁଭବ କରିବେ।
ଅଲିଭ ଅଏଲ୍‍  –
ବାହାରୁ ଘରକୁ ଆସିବା ପରେ କ୍ଲିଜରରେ ମୁହଁ ପୋଛିବା ପରେ ଅଲିଭ ଅଏଲ୍‍ ନେଇ ତ୍ୱଚାରେ ମାଲିସ କରନ୍ତୁ। ଏହା ପରେ ତଉଲିଆକୁ ଉଷୁମ କରି କିଛି ସମୟ ମୁହଁରେ ଲଗାନ୍ତୁ। ଏହି ଉପାୟ ମୁହଁର ଚମକ ବୃଦ୍ଧି କରିଥାଏ। ଏହା ପ୍ରାକୃତିକ ମଶ୍ଚରାଇଜରର କାର୍ଯ୍ୟ କରିଥାଏ।
ଲିପ ବାମ୍‍ –
ଶୀତ ଦିନେ ଓଠ ଅଧିକ ଶୁଷ୍କ ହୋଇଯାଏ। ଏହି ସମସ୍ୟାରୁ ମୁକ୍ତି ପାଇବା ପାଇଁ ଭେସଲିନ୍‍ ରେ ଅଳ୍ପ କିଛି ବୁନ୍ଦା ଭିଟାମିନ ଇ ତେଲ ମିଶାନ୍ତୁ। ନିୟମିତ ରାତିରେ ଶୋଇବା ପୂର୍ବରୁ ଏହାକୁ ଲଗାଇ ଶୁଅନ୍ତୁ। ଏହା ଓଠକୁ କୋମଳ କରିଥାଏ।

Comments
Loading...